સોશિયલ મીડિયા પર ઘણી વાર અમુક એવા એવા વીડિયો વાયરલ થતા હોય છે, જેને લઈને લોકો એક પછી એક તેના પર રીલ બનાવવા લાગે છે. હાલ આવો જ એક વીડિયો વાયરલ થયો છે. જેમાં એક વ્યક્તિ પૂરા આત્મવિશ્વાસ સાથે કહે છે કે, 'ક્રિશ કા ગાના સુનેગા?' અને પછી ઋતિક રોશનની 2006ની ફિલ્મ 'ક્રિશ'નું આઇકોનિક ગીત 'દિલ ના દિયા' ગાવા લાગે છે. આ વીડિયોને કારણે આ 21 વર્ષ જૂનું ગીત ફરીથી ટ્રેન્ડિંગમાં આવી ગયું છે અને લાખો લોકો તેના પર રીલ્સ બનાવી રહ્યા છે.
વાયરલ વીડિયોની શરૂઆત: 'લે બેટા' અને પૂરો કોન્ફિડન્સ
વીડિયોમાં આ વ્યક્તિ કચરાની થેલી હાથમાં લઈને કેમેરા સામે આવે છે અને પોતાના અંદાજમાં 'ક્રિશ કા ગાના સુનેગા લે બેટા' કહીને ગીત શરૂ કરે છે. તેનો અવાજ, હાવભાવ અને આત્મવિશ્વાસ એટલો અનોખો છે કે લોકો તેને 'ધૂમ બોય' કહીને ઓળખવા લાગ્યા છે. આ વીડિયો ઇન્સ્ટાગ્રામ, યુટ્યૂબ અને અન્ય પ્લેટફોર્મ પર લાખો વખત જોવાયો છે અને તેના પર હજારો રીમિક્સ અને મીમ્સ બની ગયા છે.
કોણ છે વાયરલ 'ધૂમ બોય'? અસલી નામ અને પૃષ્ઠભૂમિ
આ વાયરલ વ્યક્તિનું અસલી નામ પિન્ટુ છે અને તે ઝારખંડના જમશેદપુરનો રહેવાસી છે. તેના પિતાનું નામ ઓમપ્રકાશ અને માતાનું નામ પાર્વતી છે. પિન્ટુ કચરો વીણીને અને અન્ય નાના કામ કરીને પોતાનું ગુજરાન ચલાવે છે. તેની જીવનશૈલી સાદી અને સંઘર્ષમdય છે, પરંતુ તેનો આત્મવિશ્વાસ અને ગાવાની શૈલીએ લોકોના દિલ જીતી લીધા છે.
21 વર્ષ જૂનું ગીત કેવી રીતે ફરી ટ્રેન્ડિંગમાં આવ્યું?
ઋતિક રોશનની ફિલ્મ 'ક્રિશ'નું ગીત 'દિલ ના દિયા' 2006માં રિલીઝ થયું હતું. પિન્ટુના વીડિયોને કારણે આ ગીત ફરીથી લાઇમલાઇટમાં આવી ગયું છે. મોટા ઇન્ફ્લુએન્સર્સ અને સામાન્ય યુઝર્સ તેના પર રીલ્સ બનાવી રહ્યા છે, અને અનેક ડીજે રીમિક્સ પણ વાયરલ થઈ રહ્યા છે. લોકો કહી રહ્યા છે કે પિન્ટુના અંદાજે આ જૂના ગીતને નવું જીવન આપી દીધું છે.
ભવિષ્યમાં શું? મ્યુઝિક ઇન્ડસ્ટ્રીમાં એન્ટ્રીની અટકળો
સોશિયલ મીડિયા પર વાયરલ થયેલા અનેક લોકો મ્યુઝિક કે એન્ટરટેઇનમેન્ટ ઇન્ડસ્ટ્રીમાં જોવા મળ્યા છે. તેથી હવે લોકો અટકળો લગાવી રહ્યા છે કે પિન્ટુ ઉર્ફે ધૂમ પણ જલ્દી કોઈ મ્યુઝિક વીડિયો કે પ્રોજેક્ટમાં નજરે પડી શકે છે. તેની આ અનોખી પ્રતિભા અને કોન્ફિડન્સને જોઈને ઘણા લોકો તેને સપોર્ટ કરી રહ્યા છે અને મદદની અપીલ પણ કરી રહ્યા છે.
