દિલ્લીના ચૂંટણી યુદ્ધમાં કેમ કૉંગ્રેસ હાઈકમાન્ડની બ્રેક? : સંયોગ કે પ્રયોગ

દિલ્લીની ચૂંટણી આવી રહી છે તેવામાં ભાજપે તો ચૂંટણીમાં આખે આખી પોતાની સેના ઉતારી હોય તેમ લાગી રહ્યું છે. સાથે જ આમ આદમી પાર્ટીનો પ્રચાર પણ પૂર જોશમાં ચાલી રહ્યો છે. પરંતુ બીજી તરફ જોરશોરથી લડવાના કોંગ્રેસના દાવાઓ ફરી ફરીને ડગમગતા જોવા મળી રહ્યા છે. કોંગ્રેસના સાંસદ રાહુલ ગાંધીની નાદુરસ્ત તબિયત બાદ પાર્ટી અધ્યક્ષ મલ્લિકાર્જુન ખડગે અને પ્રિયંકા ગાંધીના પ્રચારથી દૂર રહેવાથી અનેક સવાલો ઉભા થઈ રહ્યા છે. લોકસભા ચૂંટણી એકસાથે લડ્યા બાદ AAP 7-0થી હારી ગઈ જે પછી કોંગ્રેસે અલગથી વિધાનસભા ચૂંટણી લડવાનું નક્કી કર્યું.

જોરથી તાળ ઠોકવા માટે થઈને કોંગ્રેસના કોષાધ્યક્ષ અજય માકને કેજરીવાલને દેશદ્રોહી કહ્યાં. જોકે, સહયોગી પક્ષોએ આમ આદમી પાર્ટીને ખુલ્લેઆમ સમર્થન આપ્યું હતું. ત્યારપછી કોંગ્રેસે પોતાની રણનીતિ બદલી. રાહુલ-પ્રિયંકાના કાર્યક્રમોમાં કેજરીવાલ અને આતિષી સામેનો પ્રચાર જોવા મળ્યો હતો. આ દરમિયાન, રાહુલની તબિયત બગડી અને કેજરીવાલ વિરુદ્ધ રાહુલની રેલીઓ રદ કરવામાં આવી.

તેઓ કોંગ્રેસની ચિંતા કેમ કરે છે?
પવન ખેડા કહે છે કે તેમને કોંગ્રેસની ચિંતા કેમ છે? કોંગ્રેસ તાકાતથી લડી રહી છે અને ભવિષ્યમાં પણ આવી જ રીતે લડશે. તેઓ કોંગ્રેસથી ડરે છે. જો કે, સવાલ એ ઊભો થયો કે રાહુલની તબિયત ખરાબ છે તો ખડગે, પ્રિયંકા અને સચિન પાયલટ કેમ હજુ સુધી સક્રિય નથી? અજય માકન, પવન ખેડા, દિલ્હી કોંગ્રેસ આપ પર આક્રમક છે પરંતુ હાઈકમાન્ડે રાખેલુ અંતર સંયોગ છે કે પ્રયોગ.

AAP અને BJP શોલેના ડાયલોગ યાદ કરી રહ્યા છે
કોંગ્રેસ નેતા સંદીપ દીક્ષિતનું કહેવું છે કે આમ આદમી પાર્ટી અને ભાજપ શોલેના ડાયલોગ યાદ કરી રહ્યાં છે. ગબ્બર વાલા 50 કિલોમીટર દૂર છે, તેઓ કોંગ્રેસથી ડરે છે. સૂત્રોના જણાવ્યા અનુસાર કોંગ્રેસ દિલ્હીને લઈને અસમંજસમાં છે. જોકે કેજરીવાલ ગાંધી પરિવાર તેમજ કોંગ્રેસની સંપૂર્ણ તાકાતની મદદથી સત્તામાં આવે તો તે ખુબ શરમજનક હશે.

દિલ્હી કોંગ્રેસ પણ રાહ જોઈ રહી છે
બીજું, જો કોંગ્રેસના વોટ કાપવાથી ભાજપની સરકાર બનશે તો ઈન્ડિ ગંઠબંધનમાં ભાજપ સામેની એકતાની વિશ્વસનીયતા પર સવાલ ઉભો થશે. આવી સ્થિતિમાં, કદાચ દિલ્હી કોંગ્રેસ પણ રાહ જોઈ રહી છે કે છેલ્લા અઠવાડિયે કોંગ્રેસ હાઈકમાન્ડ શું નિર્ણય લેશે.