કોણ બનશે દિલ્લીના મુખ્યમંત્રી? : કયા કયા ફેક્ટરને ધ્યાનમાં રખાશે?

દિલ્લી વિધાનસભા ચૂંટણીમાં ભાજપની જીત બાદ પાર્ટીનો મુખ્યમંત્રી ચહેરો કોણ હશે તે અંગે ચર્ચા ચાલી રહી છે. આગામી મુખ્યમંત્રીના નામની ઔપચારિક જાહેરાત કરવા માટે 19 ફેબ્રુઆરીએ ભાજપની ધારાસભ્યદળની બેઠક યોજાશે, જ્યારે દિલ્લીના મુખ્યમંત્રી 20 ફેબ્રુઆરીએ શપથ લેશે.

જો સૂત્રોની વાત માનીએ તો ભાજપ એક એવા ચહેરાની શોધમાં છે જેના દ્વારા સંદેશ માત્ર દિલ્લીમાં જ નહીં પણ સમગ્ર દેશમાં જાય. એવો ચહેરો જે લો પ્રોફાઇલ રહીને પીએમ નરેન્દ્ર મોદીના વિઝનને આગળ વધારનારે. મુખ્યમંત્રીની પસંદગીમાં ભાજપ કયા પરિબળોને ધ્યાનમાં લઈ શકે છે? તમને જણાવીએ.

મહિલા ફેક્ટર

મહિલાઓ આજે દેશમાં એક મોટી વોટ બેંક બની ગઈ છે. પ્રધાનમંત્રી નરેન્દ્ર મોદીએ મહિલા બિલ દ્વારા આ વર્ગની જરૂરિયાતોને પહોંચી વળવા માટે પહેલેથી જ એક મોટો પ્રયાસ કર્યો છે. NDA શાસિત 20 રાજ્યોમાં કોઈ મહિલા મુખ્યમંત્રી નથી, આવી સ્થિતિમાં ભાજપ એક મહિલાને આગળ મૂકીને દેશમાં મોટો સંદેશ આપી શકે છે. વિધાયક દળની બેઠકમાં આ અંગે નિર્ણય લેવામાં આવશે.

વેપારી વર્ગ ફેક્ટર

વૈશ્ય અને વેપારીઓને ભાજપના સૌથી મોટા અને અતૂટ મતદાર માનવામાં આવે છે. દિલ્લીાં પણ આ વર્ગનું વર્ચસ્વ વધારે છે. આગામી સમયમાં બિહારમાં પણ વૈશ્ય વસ્તી સારી છે. જો આ બધા સમીકરણો પક્ષ દ્વારા જોવામાં આવે તો વૈશ્ય વર્ગના ચહેરાને તક મળી શકે છે.

પંજાબી ફેક્ટર

દિલ્લીમાં પંજાબી અને શીખ મતદારોને સૌથી મજબૂત અને મહત્વપૂર્ણ માનવામાં આવે છે. પંજાબમાં હજુ ભાજપ સત્તામાં નથી. જો ભાજપ દિલ્લીથી પંજાબ સુધીના સમીકરણોને સંતુલિત કરવા માગે, તો પંજાબી ચહેરાને કમાન મળી શકે છે. દિલ્લીની કુલ વસ્તીમાં પંજાબીઓ અને શીખોની ભાગીદારી લગભગ 30 ટકા છે. ભાજપે પંજાબની લોકસભાની એક બેઠક સિવાયની તમામ બેઠકો જીતી હતી. આવી સ્થિતિમાં આ વર્ગના નેતાને કમાન મળી શકે છે.

પૂર્વાંચલ ફેક્ટર
પ્રધાનમંત્રી નરેન્દ્ર મોદીએ દિલ્લીના મતદારોને જીત બદલ અભિનંદન પાઠવ્યા હતા. ભાજપને સૌથી વધુ બેઠકો મળી હતી. વર્ષના અંતમાં બિહારમાં ચૂંટણી હોવાથી ભાજપ પણ પૂર્વાંચલી ચહેરાને આગળ વધારી શકે છે.

અનુસૂચિત જાતિ ફેક્ટર

દિલ્લીની વસ્તીમાં અનુસૂચિત જાતિની સંખ્યા 17 ટકાથી વધુ છે. પાર્ટી 12 અનામત બેઠકોમાંથી માત્ર 4 બેઠકો જ જીતી શકી હતી. બીજી તરફ જે રીતે વિપક્ષ બંધારણ અને અનામતના મુદ્દે દેશભરમાં ભાજપને ઘેરવાનો પ્રયાસ કરે છે, તે રીતે ભાજપ અનુસૂચિત જાતિના ચહેરાના માધ્યમથી પણ દેશને સંદેશ આપી શકે છે.

આ છે મજબૂત દાવેદારો.

જો નવી દિલ્લી બેઠક અને કેજરીવાલને હરાવવામાં મુખ્યમંત્રી માટે માપદંડ છે તો પરવેશ વર્માનું નામ મોખરે.

સ્ત્રીઓમાં રેખા ગુપ્તા અથવા શિખા રોય

વૈશ્યામાં વિજેન્દ્ર ગુપ્તા

પંજાબીમાં આશિષ સૂદ અથવા રાજકુમાર ભાટિયા પર વિશ્વાસ મૂકી શકે છે.