AIથી એક નવી શોધ : આ ડેથ ક્લોક તમારા મૃત્યુની તારીખ કહી દેશે

આજકાલ આર્ટિફિશિયલ ઇન્ટેલિજન્સ (AI)નો ઉપયોગ ખુબ વધી ગયો છે. હવે એક વેબસાઇટે દાવો કર્યો છે કે તેણે AI સંચાલિત 'ડેથ ક્લોક' બનાવી છે, જે આગાહી કરી શકે છે કે કોઈ વ્યક્તિનું મૃત્યુ ક્યારે થશે. 'ડેથ ક્લોક' વેબસાઇટ સંપૂર્ણપણે મફત છે અને તે વ્યક્તિની ઉંમર, બોડી માસ ઇન્ડેક્સ, આહાર, વ્યાયામનું સ્તર અને ધૂમ્રપાનની આદતોના આધારે વ્યક્તિનું મૃત્યુ કેવી રીતે અને ક્યારે થઈ શકે છે તેની આગાહી કરવાનો પ્રયાસ કરે છે.

વેબસાઈટ દાવો કરે છે કે
અમારું એડવાન્સ્ડ લાઇફ એક્સપેક્ટન્સી કેલ્ક્યુલેટર AI તમારા મૃત્યુની તારીખ ચોક્કસપણે કહી શકે છે. ડેથ ક્લોકની ગણતરી બતાવવા માટે, તે તમે ક્યાં રહો છો, તમારી જીવનશૈલી શું છે અને તમે કેટલું ધૂમ્રપાન કરો છો તેના પર આધાર રાખે છે. તમામ ઇનપુટ્સ મૂક્યા પછી, વેબસાઇટ જણાવે છે કે તમારા જીવનના કેટલા દિવસો, કલાકો, મિનિટો અને સેકંડ બાકી છે. અંતે, મૃત્યુની અંદાજિત તારીખ લખવામાં આવી છે. વેબસાઇટ જણાવે છે કે તે 2006 થી આ કામ કરી રહી છે અને અત્યાર સુધીમાં 6 કરોડથી વધુ લોકોના મૃત્યુની તારીખનો અંદાજ કર્યો છે.

લાંબા જીવન માટે ટીપ્સ
વેબસાઇટ લાંબા જીવન જીવવા માટેની ટીપ્સ પણ આપે છે. આમાં વજન જાળવવું, નિયમિતપણે વ્યાયામ કરવો, ધૂમ્રપાન ટાળવું, સંતૂલિત આહાર લેવો વગેરેનો સમાવેશ થાય છે. વધુમાં, વેબસાઇટ કહે છે કે લાંબુ જીવન જીવવા માટે, વ્યક્તિએ દારૂથી દૂર રહેવું જોઈએ, રાત્રે પૂરતી ઊંઘ લેવી જોઈએ, નિયમિત આરોગ્ય તપાસ કરવી જોઈએ, તણાવ ટાળવા માટે યોગ અને ધ્યાનનો આશરો લેવો જોઈએ, સામાજિક સંબંધો જાળવવા અને હંમેશા શીખતા રહેવું જોઈએ.