Crude Oil Price: અમેરિકા અને ઈરાન વચ્ચેના તણાવ વચ્ચે ભલે મધ્યસ્થી (મેડિએશન)ની આશા રાખવામાં આવી રહી હોય, અને વાતચીત દ્વારા મુદ્દાનો ઉકેલ આવવાની શક્યતા વચ્ચે મંગળવારે સવારે ક્રૂડ ઓઇલના ભાવ પર પણ તેની અસર જોવા મળી હતી. આ બધા વચ્ચે ગ્લોબલ માર્કેટમાં ક્રૂડ ઓઇલની કિંમતને લઈને ફરી એકવાર ચિંતાની ઘંટડી વાગી ગઈ છે. દિગ્ગજ ઇન્વેસ્ટર બેંક ગોલ્ડમેન સેક્સ ગ્રુપ (Goldman Sachs Group) એ ચેતવણી આપી છે કે જો હોર્મુઝ સ્ટ્રેટ (Strait of Hormuz) માં સપ્લાયમાં આવી રહેલી અડચણ યથાવત રહેશે, તો આ વર્ષના ચોથા ક્વાર્ટરમાં (Q4) બ્રેન્ટ ક્રૂડના ભાવ પ્રતિ બેરલ 120 ડૉલર નો આંકડો પાર કરી શકે છે.
EPFOના 5 મોટા બદલાવથી કરોડો કર્મચારીઓને રાહત! : હવે PF ક્લેમથી ટ્રાન્સફર સુધીનું બધું કામ થશે સરળ
જોકે, બેંક દ્વારા એ પણ સ્પષ્ટ કરવામાં આવ્યું છે કે આ તેમનું મુખ્ય અનુમાન નથી, પરંતુ એક જોખમ (રિસ્ક)ની સ્થિતિમાં આ સિનેરિયો જોવા મળી શકે છે. અમેરિકા અને ઈરાન વચ્ચે નવેસરથી શરૂ થયેલા સૈન્ય તણાવ અને યમનના હૂથી બળવાખોરોની ધમકીઓને કારણે આ મહિને ગ્લોબલ એનર્જી માર્કેટમાં ઘણો ઉતાર-ચઢાવ જોવા મળ્યો છે. આ અઠવાડિયે બ્રેન્ટ ક્રૂડના ભાવ ફરી વધીને પ્રતિ બેરલ 91 ડૉલર પર પહોંચી ગયા છે. ગોલ્ડમેન સેક્સના એનાલિસ્ટ્સનું કહેવું છે કે મિડલ ઈસ્ટમાં વધતો તણાવ અને પર્સિયન ગલ્ફમાંથી થતા તેલના સપ્લાયમાં આવેલો ઘટાડો કિંમતોને ફરી ઉપર તરફ ધકેલી રહ્યો છે.
તણાવ ઓછો થશે તો ભાવમાં ઘટાડો આવશે
બેંકના 'બેઝ-કેસ' (મુખ્ય અનુમાન) અનુસાર, જો મિડલ ઈસ્ટમાં તણાવ ઓછો થશે તો ચોથા ક્વાર્ટરમાં બ્રેન્ટ ક્રૂડની સરેરાશ કિંમત પ્રતિ બેરલ 80 ડૉલર અને આવતા વર્ષે 75 ડૉલર રહેવાની ધારણા છે. જોકે, હોર્મુઝ સ્ટ્રેટ અને લાલ સમુદ્ર (Red Sea) માં જહાજોની અવરજવરમાં ચાલુ અડચણોને જોતાં તેલની કિંમતમાં વધુ ઉછાળો આવવાની આશંકા સતત બનેલી છે. રિપોર્ટમાં જણાવાયું છે કે બીજા ક્વાર્ટર દરમિયાન ગ્લોબલ ઓઇલ ઇન્વેન્ટરીમાં આવેલા ઘટાડાએ માર્કેટને સપ્લાયના આંચકાઓ સામે વધુ સંવેદનશીલ બનાવી દીધું છે.
ડોલર આપો અને રૂપિયા લો! : RBIની નવી સ્કીમનો મોટો ફાયદો, જાણો તમારા ખિસ્સા પર કેવી પડશે અસર
રોકાણકારોને વ્યૂહાત્મક (Stategic) પગલાં લેવાની સલાહ
બીજી તરફ, ચીન દ્વારા ક્રૂડ ઓઇલની આયાતમાં થયેલો ઘટાડો અને વધતી કિંમતોના કારણે ડિમાન્ડમાં આવનારી લવચીકતા કોઈ પણ મોટા વધારાને સીમિત કરવાનું કામ કરી શકે છે. મિડલ ઈસ્ટ અને રશિયા સાથે જોડાયેલા લાંબા જીઓ-પોલિટિકલ રિસ્કથી બચવા માટે રોકાણકારોને વ્યૂહાત્મક પગલાં લેવાની સલાહ આપવામાં આવી છે. મિડલ ઈસ્ટ ક્રાઇસિસ પહેલાં જ વૈશ્વિક સ્તરે ડીઝલની સપ્લાયને લઈને કટોકટી ચાલી રહી હતી.
126 ડૉલર પ્રતિ બેરલની રેકોર્ડ સપાટી
રશિયન રિફાઇનરીઓ પર યુક્રેન તરફથી કરવામાં આવેલા સતત હુમલાઓ ઉપરાંત દરિયાઈ વાવાઝોડું અને ભીષણ ગરમી જેવા કારણોએ પણ ડીઝલની સપ્લાય પર અસર પાડી છે. હાલના સમયે બ્રેન્ટ ક્રૂડ વાયદા (Futures) પ્રતિ બેરલ 88.54 ડૉલરની આસપાસ ટ્રેડ કરી રહ્યા છે. આ પહેલાં, આ વર્ષે એપ્રિલના અંતમાં અમેરિકા-ઈરાન સંઘર્ષના પ્રારંભિક તબક્કા દરમિયાન ક્રૂડ ઓઇલની કિંમત 126 ડૉલર પ્રતિ બેરલની રેકોર્ડ સપાટી વટાવી ગઈ હતી.
તમારા PF ખાતામાં 8.25% વ્યાજ જમા થયું કે નહીં? : ઘરે બેઠા આ સરળ રીતોથી તરત જ ચેક કરો EPF બેલેન્સ
