SUV Magnite hattrick carnival: આ દિવસોમાં IPL ક્રિકેટ સિઝન પૂરજોશમાં છે અને નિસાન ઇન્ડિયાએ તેની સૌથી લોકપ્રિય SUV Magnite hattrick carnival ઑફર લૉન્ચ કરી છે. આ ઑફર હેઠળ આ SUV પર 55,000 રૂપિયા સુધીનો ફાયદો આપવામાં આવી રહ્યો છે. આ ઉપરાંત 10,000 રૂપિયા સુધીના વધારાના લાભો આપવામાં આવી રહ્યા છે. એટલું જ નહીં સોનાનો સિક્કો પણ મફતમાં આપવામાં આવી રહ્યો છે. આ ઓફરનો લાભ લેવા માટે તમે તમારી નજીકની ડીલરશીપનો સંપર્ક કરી શકો છો. આ ઓફર મર્યાદિત સમય માટે જ છે. ચાલો જાણીએ Magnite ની કિંમત અને તેના ફીચર્સ વિશે...
કિંમત અને ફીચર્સ
Nissan Magniteની એક્સ-શોરૂમ કિંમત 6.14 લાખ રૂપિયાથી શરૂ થાય છે. આ કારની ડિઝાઈન સારી છે પરંતુ ઈન્ટીરીયર નિરાશાજનક છે. પરંતુ તમને તેમાં સારી જગ્યા મળશે. તેમાં 5 લોકો આરામથી બેસી શકે છે. પાછળ બેઠેલા લોકો માટે જગ્યાની કોઈ કમી નથી. ઈન્ટિરિયરની વાત કરીએ તો હવે મેગ્નાઈટમાં 7 ઈંચના ડિજિટલ ઈન્સ્ટ્રુમેન્ટ ક્લસ્ટરમાં નવા ગ્રાફિક્સ જોઈ શકાય છે. નવા મેગ્નાઈટમાં સિંગલ-પેન ઇલેક્ટ્રિક સનરૂફ પણ છે. તેની સાથે એક નવી કી પણ ઉપલબ્ધ છે અને તે ઓટો લોક, એપ્રોચ અનલોક અને રિમોટ સ્ટાર્ટને સક્રિય કરે છે.
એન્જિન અને સેફ્ટી
Magnite બે પેટ્રોલ એન્જિન વિકલ્પો સાથે ઉપલબ્ધ છે, જેમાં 1.0L ટર્બો પેટ્રોલ એન્જિન અને 1.0L નેચરલી એસ્પિરેટેડ પેટ્રોલ એન્જિનનો સમાવેશ થાય છે. આ એન્જિન 6-સ્પીડ MT અથવા CVT ગિયરબોક્સ સાથે જોડાયેલા છે. નવી મેગ્નાઈટ તમને 20kmpl સુધીની માઈલેજ આપે છે. સુરક્ષામાં તેને 4 સ્ટાર રેટિંગ મળ્યું છે.
સેફ્ટી ફીચર્સની વાત કરીએ તો, મેગ્નાઈટમાં 6 એરબેગ્સ, હાઈ સ્પીડ એલર્ટ સિસ્ટમ, ચાઈલ્ડ સીટ માઉન્ટ, ઈમરજન્સી સ્ટોપ સિગ્નલ, EBD સાથે એન્ટી લોક બ્રેકીંગ સિસ્ટમ, ટ્રેક્શન કંટ્રોલ, હિલ સ્ટાર્ટ આસિસ્ટ, વ્હીકલ ડાયનેમિક કંટ્રોલ અને હાઈડ્રોલિક બ્રેક આસિસ્ટ જેવા ફીચર્સ છે. તેમાં નવા ડિઝાઇન કરાયેલા 16 ઇંચના એલોય વ્હીલ્સ આપવામાં આવ્યા છે.
આની સાથે મુકાબલા
Nissan Magnite ટાટા પંચ અને હ્યુન્ડાઈ એક્સ્ટર સાથે સીધી સ્પર્ધા કરે છે. Exeterની કિંમત 5.99 લાખ રૂપિયાથી શરૂ થાય છે. જ્યારે પંચની કિંમત 6.13 લાખ રૂપિયાથી શરૂ થાય છે.
નવી કાર લેતા પહેલા આ ભાગોનું ચોક્કસ કરો ઇન્સ્પેક્શન!: નહિતર ગાડી લીધા પછી પછતાવાનો વારો આવશે
