Ahmedabad Corona Case Update: અમદાવાદમાં કોરોનાનો કહેર વધ્યો છે. શહેરમાં છેલ્લા 24 કલાકમાં 131 નવો કોરોના કેસ નોંધાતા ચિંતાનું મોજું ફરી વળ્યું છે. જ્યારે સોલા સિવિલમાં સારવાર લીધા બાદ દર્દીનું મોત થયું છે. અમદાવાદમાં કોરોના એક્ટિવ કેસના આંકડો 646 પર પહોંચ્યો છે. સૌથી વધુ સંક્રમણ પશ્ચિમ ઝોનમાં નોંધાયા છે. જ્યારે ઉત્તર પશ્ચિમ ઝોનમાં 204 , પશ્ચિમ ઝોનમાં 211 એક્ટિવ કેસ નોંધાયા છે.
અમદાવાદમાં સતત કોરોનાનો કહેર વધી રહ્યો છે. શહેરની સોલા સિવિલ હોસ્પિટલમાં કોરોનાની સારવાર લેતી 16 વર્ષિય કિશોરીનું મોત નીપજ્યું છે. મૂળ સાબરકાંઠાની યુવતી 4 જુનના રોજ સોલા સિવિલ હોસ્પિટલમાં દાખલ કરવામાં આવી હતી. જોકે સારવાર દરમિયાન કિશોરીની સ્થિતિ સુધરવાને બદલે સતત કથળી રહી હતી.
કોરોનાની સારવાર લઈ રહેલી કિશોરીને ફેફસામાં ગંભીર ઇન્ફેક્શન સાથે દાખલ કરવામાં આવી હતી. કોરોના સંક્રમિત કિશોરીને રેમડીસીવીરના ઈંજેક્શન આપી બચાવવા પ્રયાસ કરવામાં આવ્યો હતો. હાલ શહેરમાં કોરોનાના એક્ટિવ કેસનો આંકડો 510 ઉપર પહોંચ્યો છે. આ આંકડો ખુબ ઝડપથી વધી રહ્યો છે જે એક ચિંતાનો વિષય છે. સૌથી ચિંતાજનક બાબત તો એ છેકે, અત્યાર સુધી અમદાવાદમાં કોરોનાથી 4 મહિલાઓના મોત થઈ ચૂક્યા છે. 2 મહિલા LG હોસ્પિટલ તેમજ 2 મહિલાના સોલા સિવિલ હોસ્પિટલમાં કોરોનાની સારવાર દરમિયાન મોત નીપજ્યાં છે.
