રોજે રોજ વધી રહ્યા છે કોરોનાના કેસ : દેશમાં એક્ટિવ કેસ 4800ને પાર, 24 કલાકમા 7ના મૃત્યુ

દેશ પર ફરી એકવાર કોવિડ-19નો ખતરો મંડરાઈ રહ્યો છે. દેશમાં કોવિડના સક્રિય કેસોની સંખ્યા વધી છે. બુધવારે દેશમાં સક્રિય કેસોની સંખ્યા 4302 હતી. જે ​​ગુરુવારે વધીને 4866 થઈ ગઈ છે. બીજી તરફ, રાહતની વાત એ છે કે ઘણા દર્દીઓ આ રોગમાંથી સાજા પણ થઈ રહ્યા છે. સ્વસ્થ થયા પછી રજા આપવામાં આવેલા દર્દીઓની સંખ્યા ૩૯૫૫ થઈ ગઈ છે.

છેલ્લા 24 કલાકમાં દિલ્હીમાં કોરોનાના 105 કેસ નોંધાયા છે, જેનાથી સક્રિય કેસોની કુલ સંખ્યા 562 થઈ ગઈ છે. તે જ સમયે, દેશભરમાં છેલ્લા 24 કલાકમાં 7 મૃત્યુ નોંધાયા છે. આમાંથી દિલ્હીમાં 2, કર્ણાટકમાં 2 અને મહારાષ્ટ્રમાં 3 મૃત્યુ નોંધાયા છે.

દિલ્હીમાં ૨ લોકોના મોત
અત્યાર સુધી દિલ્હીમાં કોવિડને કારણે બે મૃત્યુ નોંધાયા છે. દિલ્હીમાં કોવિડને કારણે નોંધાયેલા બે મૃત્યુમાં એક બાળક અને એક વૃદ્ધ વ્યક્તિનું મોત થયું છે. 5 મહિનાના બાળકને બચાવી શકાયું નહીં અને આ બીમારીને કારણે 87 વર્ષીય વ્યક્તિનું મૃત્યુ થયું.

ગુજરાતમાં પણ કોરોનાના કેસમાં વધારો થઈ રહ્યો છે અને મૃત્યુઆંક 4 પર પહોંચ્યો છે. ગુજરામતાં કોરોનાના કુલ 508 કેસ નોંધાયા છે.