Chennai Company Gift: ચેન્નાઈની એક કંપનીએ ક્રિસમસ પર પોતાના કર્મચારીઓને મોંઘી ભેટ આપી છે. સરમાઉન્ટ લોજિસ્ટિક્સ સોલ્યુશન્સ પ્રાઈવેટ લિમિટેડે તેના કર્મચારીઓને ટાટા કાર, એક્ટિવા અને બાઇક ભેટમાં આપી છે. કંપનીના માલિકે કર્મચારીઓની મહેનત અને સમર્પણને માન આપીને આ ભેટ આપી છે. મળતી માહિતી મુજબ, કંપનીના 20 કર્મચારીઓએ ટાર્ગેટ હાંસલ કરી લીધો હતો, જે બાદ માલિકે તેમને કાર, બાઇક અને સ્કૂટર ભેટમાં આપ્યા હતા.
નોંધનીય છે કે, આ કંપની લોજિસ્ટિક્સ સેક્ટરના સામાન્ય પડકારો જેમ કે નૂર પરિવહનમાં વિલંબ, બિનકાર્યક્ષમ સપ્લાય ચેઈન સોલ્યુશન્સનો ઉકેલ લાવે છે. કંપનીના સ્થાપક અને એમડી ડેન્ઝિલ રાયાને નિવેદનમાં જણાવ્યું હતું કે, અમારું મિશન તમામ કદના વ્યવસાયો માટે લોજિસ્ટિક્સને સરળ બનાવવાનું છે. અમારો ધ્યેય એવા ઉકેલો પૂરા પાડવાનો છે જે માત્ર કાર્યક્ષમ જ નહીં, પરંતુ પર્યાવરણ પ્રત્યે સભાન પણ હોય.
હીરાના વેપારીઓએ પણ આપી ચૂક્યા છે મોંધી ભેટ
કર્મચારીઓની ભેટ અંગે તેમણે જણાવ્યું હતું કે, આવી પહેલ કર્મચારીઓની ઉત્પાદકતામાં વધારો કરે છે અને કંપની પ્રત્યે તેમનો લગાવ વધારે છે. પ્રેરિત કર્મચારીઓ હંમેશા તેમનું શ્રેષ્ઠ આપે છે. ઉલ્લેખનીય છે કે, આ પ્રકારનું આ પહેલું ઉદાહરણ નથી. આ અગાઉ હીરા ઉદ્યોગના જાણીતા ઉદ્યોગપતિ સવજી ધોળકિયાએ પણ કર્મચારીઓને કાર અને મકાનો ભેટમાં આપ્યા હતા. ધોળકિયા ખાસ પ્રસંગોએ પોતાના કર્મચારીઓને મોંઘા ફ્લેટ, લક્ઝરી કાર અને જ્વેલરી આપીને સમાચારમાં રહે છે. તેમનું માનવું છે કે કર્મચારીઓને ખુશ રાખવાથી જ તેમને વધુ સારું પ્રદર્શન કરી શકાય છે.
વિશ્વમાં સૌથી મજબૂત પાસપોર્ટ કયા દેશનો?: જાણો ભારતીય પાસપોર્ટ કયા નંબર પર?
