ભારતમાં સોના અને ચાંદીના ભાવ સામાન્ય જનતાની પહોંચ બહાર જઈ રહ્યા છે. જાન્યુઆરી 2026 ના અંતમાં ચાંદીનો ભાવ પ્રતિકિલો 3.95 લાખ રૂપિયા અને 24 કેરેટ સોનાનો ભાવ 10 ગ્રામ દીઠ 1.70 લાખ રૂપિયાની ઐતિહાસિક સપાટીએ પહોંચ્યો છે. મોંઘવારીના આ સમયમાં લગ્નપ્રસંગ કે રોકાણ માટે સોનું ખરીદવું એક પડકાર બની ગયું છે. જોકે, વિશ્વના કેટલાક એવા દેશો છે જ્યાં ભારતની સરખામણીએ સોનું ઘણું સસ્તું મળે છે.
આ દેશોમાં સોનું છે સૌથી સસ્તું
ભારતમાં ઈમ્પોર્ટ ડ્યુટી અને ટેક્સના કારણે સોનાના ભાવ ઊંચા હોય છે. તેની સરખામણીએ નીચેના દેશોમાં સોનું સસ્તું મળી રહે છે:
અમેરિકા: સસ્તા સોનાની યાદીમાં અમેરિકા મોખરે છે. અહીં 24 કેરેટ સોનાનો ભાવ આશરે 15,905 રૂપિયા પ્રતિ ગ્રામની આસપાસ છે, જે ભારતીય બજાર કરતા ઘણો ઓછો છે.
ઓસ્ટ્રેલિયા: વિશ્વના મોટા સોના ઉત્પાદક દેશોમાંનો એક હોવાથી અહીં પણ સોનું વ્યાજબી ભાવે મળે છે. અહીં 24 કેરેટ સોનું અંદાજે 15,000 રૂપિયા પ્રતિ ગ્રામમાં ઉપલબ્ધ છે.
સિંગાપોર: એશિયાનું ગોલ્ડ હબ ગણાતા સિંગાપોરમાં ટેક્સના દર અત્યંત ઓછા છે. અહીં 24 કેરેટ સોનું આશરે 14,300 રૂપિયા પ્રતિ ગ્રામમાં મળી રહે છે.
દુબઈ: 'સિટી ઓફ ગોલ્ડ' તરીકે જાણીતા દુબઈમાં ટેક્સ ફ્રી પોલિસીના કારણે શુદ્ધ સોનું સસ્તામાં ખરીદી શકાય છે. આ સિવાય સ્વિટ્ઝર્લેન્ડ, ભૂટાન અને ઈન્ડોનેશિયામાં પણ સોનું સસ્તું મળે છે.
ભારત સોનું લાવવા માટેના કસ્ટમ ડ્યુટી નિયમો
વિદેશથી ભારત સોનું લાવવા માટે ભારત સરકાર અને Customs વિભાગના ચોક્કસ નિયમો છે. જો તમે વિદેશમાં 6 મહિના કે તેથી વધુ સમયથી રહેતા હોવ તો નીચે મુજબની છૂટછાટ મળે છે:
મુસાફર | સોનાની મર્યાદા (Weight) | કિંમતની મર્યાદા (Value) |
પુરૂષ મુસાફર | 20 ગ્રામ | અંદાજે 50,000 રૂપિયા સુધી |
મહિલા મુસાફર | 40 ગ્રામ | અંદાજે 1,00,000 રૂપિયા સુધી |
ધ્યાન રાખવા જેવી બાબતો:
જો નિર્ધારિત મર્યાદા કરતા વધુ સોનું લાવવામાં આવે તો તેના પર કસ્ટમ ડ્યુટી ચૂકવવી ફરજિયાત છે.
આ છૂટછાટ માત્ર સોનાના દાગીના (Jewelry) પર મળે છે, સિક્કા કે બિસ્કિટ પર નહીં.
જે મુસાફરો એક વર્ષ કે તેથી વધુ સમય વિદેશમાં રહ્યા હોય તેમના માટે નિયમોમાં થોડી વધુ રાહત મળી શકે છે.
