CA Final May 2026 Result : ઇન્સ્ટિટ્યૂટ ઓફ ચાર્ડડ એકાઉન્ટન્ટ્સ ઓફ ઇન્ડિયા (ICAI) દ્વારા CA ફાઇનલ મે 2026 પરીક્ષાનું પરિણામ સત્તાવાર રીતે જાહેર કરી દેવામાં આવ્યું છે. આ વર્ષે પંજાબના પટિયાલાના રહેવાસી નૂર સિંગલાએ શાનદાર પ્રદર્શન કરીને સમગ્ર દેશમાં પ્રથમ સ્થાન મેળવ્યું છે. આ પરીક્ષામાં ભાગ લેનારા ઉમેદવારો હવે ઓફિશિયલ વેબસાઇટ્સ પર જઈને પોતાનું સ્કોરકાર્ડ ઓનલાઇન ચેક કરી શકે છે. પરિણામ જાહેર થતાંની સાથે જ સત્તાવાર પોર્ટલ પર ટ્રાફિકમાં ભારે વધારો નોંધાયો છે.
પંજાબના નૂર સિંગલાએ મેળવ્યો ઓલ ઈન્ડિયા રેન્ક 1
CA ફાઇનલ મે 2026ના પરિણામોમાં આ વખતે પંજાબના પટિયાલાના નૂર સિંગલાએ ઇતિહાસ રચી દીધો છે. તેણે દેશની સૌથી અઘરી ગણાતી આ પરીક્ષામાં કુલ 499 માર્ક્સ મેળવ્યા છે. આ અવિશ્વસનીય સ્કોર સાથે તેનું કુલ પરિણામ 83.17% રહ્યું છે, જે એક મોટો રેકોર્ડ છે. નૂર સિંગલાએ ઓલ ઈન્ડિયા રેન્ક (AIR) 1 મેળવતા જ તેના પરિવાર અને મિત્રોમાં ખુશીનો માહોલ જોવા મળી રહ્યો છે. સોશિયલ મીડિયા પર પણ દેશભરના ચાર્ટર્ડ એકાઉન્ટન્ટ્સ અને વિદ્યાર્થીઓ તેને આ ઐતિહાસિક સિદ્ધિ બદલ અભિનંદન પાઠવી રહ્યા છે.
CA ફાઇનલ મે 2026ના ટોપર્સની સત્તાવાર યાદી
આ વર્ષે CA ફાઇનલ પરીક્ષાના ટોપર્સની યાદીમાં દેશના અલગ-અલગ રાજ્યોના વિદ્યાર્થીઓએ ટોચનું સ્થાન મેળવ્યું છે:
AIR 1 : નૂર સિંગલા | 499 માર્ક્સ | 83.17% | પટિયાલા, પંજાબ
AIR 2 : રિતિજ સરફ | 475 માર્ક્સ | 79.17% | હાવડા, પશ્ચિમ બંગાળ
AIR 3 : સોહન અનિલ માંજરેકર | 473 માર્ક્સ | 78.83% | ડોંબિવલી, મહારાષ્ટ્ર
આ પણ ખાસ વાંચો : વિદ્યાર્થીઓ માટે Googleમાં ઈન્ટર્નશિપ કરવાની ઉત્તમ તક : અરજી પ્રક્રિયા શરૂ, જાણો કયા વિદ્યાર્થીઓ પાત્ર છે અને કેવી રીતે કરશો અરજી
પાસ થવા માટેના જરૂરી ગુણ અને પરિણામનું વિશ્લેષણ
ICAIના નિયમો અનુસાર, CA Final પરીક્ષામાં પાસ થવા માટે ઉમેદવારોએ દરેક પેપરમાં ઓછામાં ઓછા 40% ગુણ મેળવવા ફરજિયાત છે. આ ઉપરાંત, તમામ પેપર્સના ગુણ મળીને કુલ ઓછામાં ઓછા 50% માર્ક્સ મેળવવા જરૂરી હતા. આ વર્ષે ટોપર્સે રેકોર્ડતોડ માર્ક્સ મેળવ્યા છે, પરંતુ તેની સામે Group-1નું પાસિંગ પરસેન્ટેજ ઘણું ઓછું નોંધાયું છે, જે દર્શાવે છે કે આ વખતનું પેપર સ્તર ખૂબ જ પડકારજનક હતું.
રિઝલ્ટ ચેક કરવા માટેની સત્તાવાર વેબસાઇટ્સ
પરિણામ જાહેર થયા બાદ વેબસાઇટ ક્રેશ થવાની કે ધીમી ચાલવાની સમસ્યાથી બચવા માટે ICAI દ્વારા 3 અલગ-અલગ લિંક એક્ટિવેટ કરવામાં આવી છે. ઉમેદવારો નીચે આપેલા કોઈપણ પોર્ટલ પર જઈને પોતાના માર્ક્સ જોઈ શકે છે:
CA ફાઇનલ રિઝલ્ટ ઓનલાઇન ચેક કરવાની સરળ રીત
ઉમેદવારો પોતાનું સ્કોરકાર્ડ નીચે આપેલા સરળ સ્ટેપ્સને ફોલો કરીને ડાઉનલોડ કરી શકે છે:
સૌ પ્રથમ ઉપર દર્શાવેલી ICAIની કોઈ પણ ઓફિશિયલ વેબસાઇટ ઓપન કરો.
હોમપેજ પર આપેલ 'CA Final May 2026 Result'ની એક્ટિવ લિંક પર ક્લિક કરો.
હવે એક નવી લોગિન વિન્ડો ખુલશે, જેમાં તમારો રોલ નંબર અને રજીસ્ટ્રેશન નંબર દાખલ કરો.
તમામ વિગતો સબમિટ કર્યા બાદ તમારું CA પરીક્ષાનું સ્કોરકાર્ડ સ્ક્રીન પર પ્રદર્શિત થશે.
તમારા માર્ક્સ સારી રીતે ચેક કરી લો અને ભવિષ્યના રેફરન્સ માટે તેનું પ્રિન્ટઆઉટ જરૂર કાઢી લો.
નાપાસ થયેલા વિદ્યાર્થીઓ માટે નવેમ્બર 2026ની નવી તક
જે ઉમેદવારો આ પરીક્ષામાં સફળ થઈ શક્યા નથી, તેમને નિરાશ થવાની બિલકુલ જરૂર નથી. ICAI દ્વારા આગામી પરીક્ષા એટલે કે નવેમ્બર 2026ની CA ફાઇનલ પરીક્ષા માટે રજીસ્ટ્રેશનની તારીખો પણ જાહેર કરી દેવામાં આવી છે. વિદ્યાર્થીઓ વહેલી તકે નવેમ્બર સત્ર માટે ઓનલાઇન અરજી કરીને ફરી એકવાર પોતાની તૈયારીઓને મજબૂત બનાવી પરીક્ષા આપી શકે છે.
