બ્રિટિશ F-35B સ્ટીલ્થ ફાઇટર જેટ તિરુવનંતપુરમ એરપોર્ટ પર ફસાયું : ટેકનિકલ ખામીને દૂર કરવા માટે વધુ સમયની જરૂર

બ્રિટિશ F-35B લાઇટનિંગ II સ્ટીલ્થ ફાઇટર જેટ, જે શનિવારે રાત્રે ઓછા ઇંધણને કારણે તિરુવનંતપુરમ આંતરરાષ્ટ્રીય એરપોર્ટ પર અનશેડ્યૂલ લેન્ડિંગ કર્યું હતું, તે શુક્રવારે સતત છઠ્ઠા દિવસે પણ ગ્રાઉન્ડેડ રહ્યું છે.

આ વિમાન યુકેના HMS પ્રિન્સ ઓફ વેલ્સ કેરિયર સ્ટ્રાઈક ગ્રુપનો ભાગ છે, જે હાલમાં ઈન્ડો-પેસિફિક ક્ષેત્રમાં તૈનાત છે. આ એરક્રાફ્ટ કેરિયરે તાજેતરમાં ભારતીય નૌકાદળ સાથે સંયુક્ત દરિયાઈ કવાયત પૂર્ણ કરી હતી.

F-35B કેરિયર પર પરત ફરી રહ્યું હતું ત્યારે તેને ઓછા ઇંધણનું સ્તર જોવા મળ્યું, જેના કારણે ઈમરજન્સી લેન્ડિંગ કરવામાં આવ્યું. અને આ ઈમરજન્સી લેન્ડિંગ દરમિયાન પ્લેનનાં હાઈડ્રોલિક સિસ્ટમમાં ક્ષતી થઈ હતી.

બ્રિટિશ એવિએશન એન્જિનિયર વિમાનની હાઇડ્રોલિક સિસ્ટમ્સ સાથે સંબંધિત ખામીને સુધારવા માટે સઘન રીતે કામ કરી રહ્યા છે. વિમાન કડક સુરક્ષા ઘેરાબંધી હેઠળ એરપોર્ટ પર પાર્ક કરવામાં આવ્યું છે.

ઉતરાણ પછી તરત જ રોયલ નેવીનું એક હેલિકોપ્ટર ઉડાન ભરી ગયું, જેમાં નવ બ્રિટિશ ઉડ્ડયન નિષ્ણાતોની ટીમ સામેલ હતી, જેમાં એક રિપ્લેસમેન્ટ પાઇલટનો પણ સમાવેશ થાય છે. જેટને સુરક્ષિત રીતે ઉતારનાર મૂળ પાઇલટ ત્યારથી હેલિકોપ્ટરમાં પાછો ફર્યો છે.

ભારતીય વાયુસેના, એરપોર્ટ ઓથોરિટી ઓફ ઇન્ડિયા અને કેરળ પોલીસે બ્રિટિશ ટીમને સંપૂર્ણ સહકાર આપ્યો છે, સમારકામને સરળ બનાવવા અને સુરક્ષા સુનિશ્ચિત કરવા માટે જરૂરી તમામ સહાય પૂરી પાડી છે. F-35B એ પાંચમી પેઢીનું મલ્ટીરોલ સ્ટીલ્થ ફાઇટર છે જે તેની શોર્ટ ટેક-ઓફ અને વર્ટિકલ લેન્ડિંગ (STOVL) ક્ષમતા માટે જાણીતું છે, જે તેને કેટપલ્ટ સિસ્ટમની વગર નાના રનવે અને એરક્રાફ્ટ કેરિયર્સ પરથી મુવમેન્ટ કરી શકે છે.

તિરુવનંતપુરમ એરપોર્ટ પર ઇમરજન્સી લેન્ડિંગ કરનાર બ્રિટિશ નૌકાદળના ફાઇટર જેટની ખામીને સુધારવામાં એક અઠવાડિયાથી વધુ સમય લાગશે. ઓછા ઇંધણને કારણે ઇમરજન્સી લેન્ડિંગ દરમિયાન હાઇડ્રોલિક સિસ્ટમમાં ખામી સર્જાઈ હતી.