BMWએ ભારતીય બજારમાં પોતાનો પોર્ટફોલિયો અપડેટ કરતાં નવી BMW X5 SUV લોન્ચ કરી છે. કંપનીએ આ લક્ઝરી કારને ચાર વેરિઅન્ટમાં રજૂ કરી છે, જેની કિંમત ₹1.02 કરોડથી શરૂ થઈને ₹1.15 કરોડ (એક્સ-શોરૂમ) સુધી જાય છે. આ SUV પેટ્રોલ અને ડીઝલ બંને એન્જિન વિકલ્પોમાં ઉપલબ્ધ છે.
ડિઝાઇન અને ઇન્ટિરિયર
નવી BMW X5માં મેટ્રિક્સ એડેપ્ટિવ LED હેડલાઇટ્સ, L-આકારના 3D લેમ્પ, અને નવું એલોય વ્હીલ ડિઝાઇન આપવામાં આવ્યું છે. આ કાર છ રંગ વિકલ્પોમાં આવશે – બ્રુકલિન ગ્રે, કાર્બન બ્લેક, મિનરલ વ્હાઇટ, સ્કાયક્રેપર ગ્રે, તાંઝાનાઇટ
બ્લુ અને બ્લેક સેફાયર.
ઇન્ટિરિયર અપડેટ્સમાં મોટો કર્વ્ડ ડિસ્પ્લે, 12.3-ઇંચનું ઇન્સ્ટ્રુમેન્ટ ક્લસ્ટર અને 14.9-ઇંચની ઇન્ફોટેનમેન્ટ સ્ક્રીન છે. સાથે હરમન કાર્ડન સાઉન્ડ સિસ્ટમ, 4-ઝોન ક્લાઇમેટ કંટ્રોલ, આરામદાયક ઇલેક્ટ્રોનિક સીટ્સ અને BMW કનેક્ટડ્રાઇવની સુવિધા છે.
એન્જિન અને પરફોર્મન્સ
નવી X5 3.0-લિટર છ-સિલિન્ડર પેટ્રોલ અને ડીઝલ એન્જિન સાથે ઉપલબ્ધ છે, જેમાં 48V માઇલ્ડ-હાઇબ્રિડ સિસ્ટમનો સમાવેશ છે.
પેટ્રોલ xDrive40i – 381 bhp પાવર, 520 Nm ટોર્ક, 0-100 km/h ફક્ત 5.4 સેકન્ડમાં.
ડીઝલ xDrive30d – 286 bhp પાવર, 650 Nm ટોર્ક, 0-100 km/h ફક્ત 6.1 સેકન્ડમાં.
બંને મોડલ્સમાં 8-સ્પીડ સ્ટેપટ્રોનિક ટ્રાન્સમિશન અને એડેપ્ટિવ 2-એક્સલ એર સસ્પેન્શન આપવામાં આવ્યું છે.
xOffroad પેકેજ
પહેલીવાર, BMW X5 સાથે xOffroad પેકેજ આપવામાં આવ્યું છે. તેમાં xSand, xRocks, xGravel અને xSnow જેવા ચાર મોડ્સ છે. આ પેકેજ કારને કઠિન રસ્તાઓ પર વધુ સ્થિર અને મજબૂત બનાવે છે. સાથે અંડરબોડી પ્રોટેક્શન અને ખાસ xOffroad ડિસ્પ્લે આપવામાં આવ્યું છે.
વેરિઅન્ટ અને કિંમત (એક્સ-શોરૂમ)
BMW X5 xDrive30d – ₹1,02,30,000
BMW X5 xDrive30d M Sport Pro – ₹1,15,00,000
BMW X5 xDrive40i – ₹1,00,30,000
BMW X5 xDrive40i M Sport Pro – ₹1,13,00,000
