bihar election 2025 : બિહાર ચૂંટણીમાં મહાગઠબંધનની મુશ્કેલીઓ ઓછી થવાના કોઈ સંકેત દેખાતા નથી. ગઠબંધન હજુ સુધી તેના સાથી પક્ષો સાથે બેઠક વહેંચણી પર સંપૂર્ણ સંમત થયું નથી. હેમંત સોરેને અગાઉ તેમની પાર્ટી, ઝારખંડ મુક્તિ મોરચા (JMM) ને ગઠબંધનથી અલગ કરીને મહાગઠબંધનને મોટો ફટકો આપ્યો છે.
હેમંત સોરેને શું કહ્યું?
હેમંત સોરેને જાહેરાત કરી છે કે, તેઓ હવે બિહારમાં છ વિધાનસભા બેઠકો પર એકલા ચૂંટણી લડશે. તેઓ ચકાઈ, ધમધા, કટોરિયા, પીરપૈંટી, મણિહારી અને જમુઈમાં ઉમેદવારો ઉભા રાખશે. આ બેઠકો માટે ચૂંટણી બીજા તબક્કામાં યોજાવાની છે.
''ઝારખંડમાં ગઠબંધનની પણ સમીક્ષા કરવામાં આવ...''
ઝારખંડ મુક્તિ મોરચાના મહાસચિવ સુપ્રીમો ભટ્ટાચાર્યએ જણાવ્યું હતું કે, બિહાર વિધાનસભા ચૂંટણી પછી ઝારખંડમાં ગઠબંધનની પણ સમીક્ષા કરવામાં આવશે. ઝારખંડ મુક્તિ મોરચા (JMM) હવે બિહાર વિધાનસભા ચૂંટણી-2025માં મહાગઠબંધનનો ભાગ રહેશે નહીં, JMM એ ગઠબંધનથી અલગ થઈને એકલા ચૂંટણી લડવાનો નિર્ણય લીધો છે.
