આજે બિહારમાં સમ્રાટની સરકારની તાજપોશી : જાણો મંત્રી મંડળમાં કોને-કોને મળ્યો મોકો

Bihar Cabinet Expansion: બિહારમાં મુખ્યમંત્રી સમ્રાટ ચૌધરીના આગેવાની હેઠળના મંત્રીમંડળનો વિસ્તાર આજે થવાનો છે. 22 દિવસ પછી પટણાના ઐતિહાસિક ગાંધી મેદાનમાં બપોરે 12 વાગ્યે શપથ ગ્રહણ સમારોહ યોજાશે. આ વિસ્તારમાં ભાજપ અને જેડીયુમાંથી 16-16 મંત્રીઓ શપથ લઈ શકે તેવી શક્યતા છે.

મંત્રીમંડળ વિસ્તારની તૈયારીઓ પૂર્ણ થઈ ગઈ છે અને શપથ લેનારા નેતાઓને ફોન આવવા માંડ્યા છે. સમ્રાટ ચૌધરીની કેબિનેટમાં નીતીશ કુમારના પુત્ર નિશાંત કુમારની એન્ટ્રી થવાની મજબૂત સંભાવના છે. જેડીયુ નેતાઓએ તેમને મંત્રી બનાવવા માટે સંમતિ આપી દીધી છે.

ભાજપ કોટામાંથી કોણ-કોણ બની રહ્યા છે મંત્રી?

ભાજપ તરફથી મંત્રી બનવા માટે જે નેતાઓને ફોન આવ્યા છે તેમાં વિજય કુમાર સિંહા, નીતીશ મિશ્રા, દિલીપ જાયસ્વાલ, રમા નિષાદ, પ્રમોદ ચંદ્રવંશી, લખેન્દ્ર પાસવાન, સંજય સિંહ ટાઇગર, મિથિલેશ તિવારી વગેરેના નામ સામેલ છે. વરિષ્ઠ નેતા અને પૂર્વ કેન્દ્રીય મંત્રી રામ કૃપાલ યાદવને પણ ફોન આવ્યો છે. ઇજનેર શૈલેન્દ્રને પ્રથમ વખત મંત્રી બનવાનો મોકો મળી રહ્યો છે.

કેવી રીતે થઈ શુભેન્દુ અધિકારીના PA ની હત્યા?: પ્રત્યક્ષદર્શીએ કર્યો સનસનીખેજ ખુલાસો!

જેડીયુ કોટામાંથી આ નેતાઓની યાદી

જેડીયુ તરફથી લેસી સિંહ, મદન સહની, ભગવાન સિંહ કુશવાહા, શ્વેતા ગુપ્તા અને સુનીલ કુમારને ફોન આવ્યા છે. શ્વેતા ગુપ્તા નવા ચહેરા તરીકે સામેલ થઈ રહ્યા છે. દામોદર રાવતને પણ કૉલ આવ્યો છે.

અન્ય સહયોગી પક્ષો

ચિરાગ પાસવાનની LJP(ર) તરફથી સંજય સિંહ અને સંજય પાસવાનને ફરી મોકો મળી શકે છે.

જીતનરામ માંઝીની પાર્ટીમાંથી તેમના પુત્ર સંતોષ સુમનનું મંત્રી બનવું લગભગ નક્કી છે

ઉપેન્દ્ર કુશવાહાની RL M તરફથી તેમના પુત્ર દીપક પ્રકાશ અથવા પત્ની સ્નેહલતા કુશવાહાને મંત્રી બનાવવામાં આવી શકે છે.

સમારોહમાં મોટા નેતાઓની હાજરી

આ શપથ ગ્રહણ સમારોહમાં PM નરેન્દ્ર મોદી, કેન્દ્રીય ગૃહમંત્રી અમિત શાહ, ભાજપ અધ્યક્ષ નિતિન નવીન, જેપી નડ્ડા અને જેડીયુ અધ્યક્ષ નીતીશ કુમાર સહિત અનેક મોટા નેતાઓ હાજર રહેશે. અમિત શાહ અને નિતિન નવીન પહેલેથી જ પટણા પહોંચી ગયા છે.

આ વિસ્તાર સાથે સમ્રાટ ચૌધરીની સરકાર વધુ મજબૂત બનશે અને બિહારના વિકાસની નવી દિશા નક્કી થશે તેવી અપેક્ષા છે. વધુ અપડેટ્સ માટે સતત જોડાયેલા રહો.