Big update on Mayank Yadav and Riyan Parag's fitness: કમરના નીચેના ભાગમાં દુખાવો થવાને કારણે લગભગ એક વર્ષ સુધી બહાર રહ્યા પછી, ભારતીય ફાસ્ટ બોલર મયંક યાદવ હવે પોતાની સંપૂર્ણ ક્ષમતા સાથે બોલિંગ કરવા માટે ફિટ થવાની નજીક છે. 23 વર્ષીય આ ફાસ્ટ બોલરે IPL 2024 માં પોતાની ઘાતક બોલિંગથી બધાનું ધ્યાન ખેંચ્યું હતું.
2025 માં ફક્ત 2 મેચ રમ્યો
ત્યારપછી તે ભારત માટે સૌથી ટૂંકા ફોર્મેટમાં રમ્યો. જોકે, પીઠની ઇજાને કારણે તે 2025 માં ફક્ત 2 મેચ જ રમી શક્યો. મયંક યાદવની ફિટનેસની સમસ્યાઓ હોવા છતાં, તેની IPL ટીમ, લખનૌ સુપર જાયન્ટ્સ (LSG) એ ફાસ્ટ બોલરમાં વિશ્વાસ દર્શાવ્યો અને 2026 ના મિની-ઓક્શન પહેલા તેને રિટેન કર્યો.
મયંક યાદવની ફિટનેસ પર BCCI ના અધિકારીએ કહ્યું
"મયંક યાદવ ઝડપી રિકવર થઈ રહ્યો છે અને તેની સંપૂર્ણ ક્ષમતા સાથે બોલિંગ કરવાની તૈયારી છે. તેને તેની શક્તિ અને શારીરિક તંદુરસ્તીમાં પણ નોંધપાત્ર સુધારો દર્શાવ્યો છે, જે તેને ફાસ્ટ બોલિંગ માટે જરૂરી શ્રેષ્ઠ ફિટનેસ સ્તર પ્રાપ્ત કરવાની નજીક લાવે છે," BCCI ના એક અધિકારીએ એક રિપોર્ટમાં જણાવ્યું.
રિયાન પરાગને ખભામાં કોઈ દુખાવો નથી
BCCI ના અધિકારીએ ભારતીય બેટ્સમેન રિયાન પરાગની ફિટનેસ વિશે પણ માહિતી આપી, જે જમણા ખભાની ઈજાને કારણે વિજય હજારે ટ્રોફીમાં રમી રહ્યો નથી. તેને છેલ્લે 6 ડિસેમ્બરે મેચ રમી હતી. "16 ડિસેમ્બર, 2025 ના રોજ જમણા ખભામાં ઇન્જેક્શન લીધા પછી રિયાન પરાગે સારી રીતે રિકવર થઈ રહ્યો છે. હવે તેના ખભામાં કોઈ દુખાવો નથી. તેને નેટમાં સ્પિનરો સામે થ્રો-ડાઉન અને બેટિંગની પ્રેક્ટિસ ફરી શરૂ કરી દીધી છે."
