બાંગ્લાદેશમાં વિરોધ પ્રદર્શનો અને રાજકીય દબાણ વચ્ચે મુહમ્મદ યુનુસે રાજીનામું આપવાની ધમકી આપી છે. 23 મે, 2025ના રોજ, બાંગ્લાદેશના કાર્યકારી નેતા, મુહમ્મદ યુનુસે, રાજકીય પક્ષો તરફથી સમર્થનના અભાવ અને દેશમાં ચાલતી અશાંતિ પર હતાશા વ્યક્ત કરીને તેમના સંભવિત રાજીનામાનો સંકેત આપ્યો. 2024માં પૂર્વ PM શેખ હસીના સામે થયેલા સામૂહિક બળવા પછી સત્તા સંભાળનારા યુનુસે, નેશનલ સિટીઝન પાર્ટી (NCP)ના વિદ્યાર્થી નેતા નાહિદ ઇસ્લામને કહ્યું કે તેઓ "બંધક" જેવું અનુભવે છે. અને વર્તમાન પરિસ્થિતિઓમાં અસરકારક રીતે કામ કરવામાં અસમર્થ છે. યુનુસનું આ નિવેદન ઢાકામાં બાંગ્લાદેશ નેશનાલિસ્ટ પાર્ટી (BNP) દ્વારા કરવામાં આવેલા વિરોધ પ્રદર્શનો, ઝડપી ચૂંટણીઓની માંગણી અને યુનુસને તાત્કાલિક ચૂંટણીઓ યોજવા માટે આર્મી ચીફ જનરલ વકર-ઉઝ-ઝમાન દ્વારા કડક ચેતવણી બાદ આવ્યું છે. 2024માં બાંગ્લાદેશમાં થયેલા બળવામાં મુખ્ય મુખ્ય ભૂમિકા નિભાવનાર નાહિદ ઇસ્લામે રાજીનામાની અફવાઓ પર ચર્ચા કરવા માટે યુનુસને મળ્યા. તેમને પુનર્વિચારણા કરવા વિનંતી કરી. યુનુસની કાર્યકારી સરકારે લશ્કરી દબાણ, જાહેર અસંતોષનો સામનો કરવો પડ્યો છે, જેના કારણે બાંગ્લાદેશના રાજકીય ભવિષ્ય પર અનિશ્ચિતતા ઉભી થઈ છે.
ઢાકામાં યુનુસ સામે શરૂ થયું ઉગ્ર આંદોલન:
ઢાકામાં વિદ્યાર્થીઓનું ફરી વિરોધ પ્રદર્શન ફાટી નીકળતાં બાંગ્લાદેશમાં અશાંતિનો નવો માહોલ જોવા મળ્યો. 22 મે, 2025ના રોજ, ઢાકામાં નેશનલ સિટીઝન પાર્ટી (NCP) ના નેતૃત્વમાં હજારો વિદ્યાર્થીઓ તાત્કાલિક ચૂંટણીઓ અને સુધારામાં અવરોધરૂપ માનવામાં આવતા વચગાળાના નેતા મુહમ્મદ યુનુસના મંત્રીમંડળના સભ્યોના રાજીનામાની માંગણી સાથે રસ્તાઓ પર ઉતરી આવ્યા હતા. કેટલાક વિસ્તારોમાં હિંસક બનેલા આ વિરોધ પ્રદર્શનોમાં આર્મી કેન્ટોનમેન્ટ નજીક વિદ્યાર્થીઓની પોલીસ સાથે અથડામણ થઈ હતી, જેમાં આર્મી ચીફ જનરલ વકર-ઉઝ-ઝમાન દ્વારા ડિસેમ્બર સુધીમાં ચૂંટણીઓ યોજવા માટે યુનુસને આપેલી કડક ચેતવણી બાદ વિરોધ પ્રદર્શનો થયા હતા. વિદ્યાર્થી નેતા નાહિદ ઇસ્લામે સરકાર પર લોકશાહી પ્રક્રિયાઓને અટકાવવાનો આરોપ લગાવ્યો હતો, જ્યારે વધતા દબાણનો સામનો કરી રહેલા યુનુસે રાજકીય સહયોગના અભાવને લઇને રાજીનામું આપવાની ધમકી આપી હતી. વધતી જતી જાહેર નિરાશા વચ્ચે સ્થિરતા જાળવવામાં સૈન્યની ભૂમિકા તપાસ હેઠળ હોવાથી, ફરી ફાટી નીકળેલા વિદ્યાર્થી આંદોલને બાંગ્લાદેશમાં રાજકીય કટોકટી વધુ ઘેરી બનાવી છે.
