Bharat Taxi App: કેન્દ્રીય ગૃહ અને સહકાર મંત્રી અમિત શાહે 5 ફેબ્રુઆરી, 2026ના રોજ દિલ્હીમાં ભારત ટેક્સી નામની દેશની પ્રથમ સહકારી આધારિત રાઇડ-હેલિંગ એપનું ઔપચારિક લોન્ચિંગ કર્યું. આ એપ સહકાર ટેક્સી કોઓપરેટિવ લિમિટેડ (Sahakar Taxi Cooperative Limited) દ્વારા સંચાલિત છે, જે મલ્ટી-સ્ટેટ કોઓપરેટિવ સોસાયટીઝ એક્ટ, 2002 હેઠળ નોંધાયેલ છે. તેની સ્થાપના 6 જૂન, 2025ના રોજ થઈ હતી.આ પ્લેટફોર્મનું મુખ્ય ઉદ્દેશ્ય ડ્રાઇવરોને માત્ર ડ્રાઇવર નહીં, પરંતુ સહ-માલિક બનાવવાનું છે. અહીં "સારથી" (ડ્રાઇવર) કેન્દ્રમાં છે અને તેઓ કમાણીમાં સીધો લાભ મેળવે છે.
ભારત ટેક્સીની ખાસિયતો – ડ્રાઇવરો માટે ફાયદા
0% કમિશન: ખાનગી એગ્રીગેટર્સની જેમ 20-30% કમિશન નથી કપાતું.
માત્ર ₹30 પ્રતિ દિવસની એક્સેસ ફી (ઓટો ડ્રાઇવરો માટે ₹18).
સર્જ પ્રાઇસિંગ નથી – પેસેન્જર્સ માટે પારદર્શી અને સસ્તું ભાડું (લગભગ 30% સસ્તું).
ડ્રાઇવરોને સામાજિક સુરક્ષા: ₹5 લાખનો વ્યક્તિગત અકસ્માત વીમો, કૌટુંબિક આરોગ્ય વીમો, નિવૃત્તિ બચત, ઝડપી કટોકટી સહાય અને ડ્રાઇવર સપોર્ટ સિસ્ટમ.
SOS અલર્ટ, ચકાસાયેલ રાઇડ ડેટા અને સુરક્ષા પર ધ્યાન.
પોતાની કાર ચલાવવા માટે ભારત ટેક્સીમાં કેવી રીતે રજીસ્ટર કરવું?
રજીસ્ટ્રેશન પ્રક્રિયા ખૂબ જ સરળ છે:
એપ ડાઉનલોડ કરો: Google Play Store અથવા Apple App Store પરથી "Bharat Taxi Driver" એપ ડાઉનલોડ કરો (ડેવલપર: Sahakar Taxi Cooperative Limited).
મોબાઇલ નંબર વેરિફાઇ કરો: નંબર દાખલ કરી OTP દ્વારા વેરિફાઇ કરો.
પ્રોફાઇલ બનાવો અને દસ્તાવેજ અપલોડ કરો: નામ, ઇમેઇલ અને શહેરની વિગતો.
કોમર્શિયલ ડ્રાઇવિંગ લાઇસન્સ (યલો બેજ).
આધાર કાર્ડ અને PAN કાર્ડ.
વાહનનું RC (રજિસ્ટ્રેશન સર્ટિફિકેટ), પરમિટ, વીમો અને ફિટનેસ સર્ટિફિકેટ.
વેરિફિકેશન: દસ્તાવેજોની ચકાસણી ડિજીલોકર અને પોલીસ વેરિફિકેશન દ્વારા થશે. કેટલાક કિસ્સામાં ડેડિકેટેડ સપોર્ટ સેન્ટર (જેમ કે દિલ્હી-NCRમાં) પર ફિઝિકલ વેરિફિકેશન અને શેર સર્ટિફિકેટ મેળવવું પડી શકે.
મંજૂરી પછી: એકાઉન્ટ એક્ટિવેટ થશે, બેંક વિગતો ઉમેરો અને રાઇડ્સ શરૂ કરો.
આ સર્વિસ હાલમાં દિલ્હી-NCR, ગુજરાત (જેમ કે અમદાવાદ, રાજકોટ) સહિત અનેક શહેરોમાં ઉપલબ્ધ છે અને આગામી ત્રણ વર્ષમાં સમગ્ર દેશમાં વિસ્તરશે.જો તમે પોતાની કાર, ઓટો અથવા બાઇક સાથે આ સહકારી મોડેલમાં જોડાવા માંગતા હો, તો આજે જ એપ ડાઉનલોડ કરી રજીસ્ટર કરો અને "સારથી હી માલિક" બનો!
