Cars starting at ₹3.49 lakh : ભારતમાં પોતાની કાર હોવી એ ઘણા લોકોનું સપનું છે, પરંતુ વધતી કિંમતોને કારણે યોગ્ય પસંદગી કરવી મુશ્કેલ બની ગઈ છે. ખાસ કરીને જો તમારું બજેટ 5 લાખ રૂપિયા સુધી મર્યાદિત હોય, તો આ પાંચ કાર ઓપ્શન તમારા માટે ઉપલબ્ધ છે. જેની કિંમત 5 લાખથી ઓછી અને શાનદાર પર્ફોમન્સ પણ આપે છે. જાણો એવી પાંચ કાર વિશે જેની કિંમત 5 લાખથી ઓછી છે.
શા માટે 5 લાખથી ઓછી કાર લોકપ્રિય છે?
આ બજેટની કારો ખાસ કરીને પ્રથમ વખત કાર ખરીદનારાઓ, નોકરી પર જનારાઓ અને નાની ફેમિલી માટે યોગ્ય છે. ઓછી કિંમત, સારી માઇલેજ અને મેન્ટેનન્સ ઓછું હોવું એ આ સેગમેન્ટની સૌથી મોટી તાકાત છે.
Maruti Suzuki S-Presso
Maruti S-Presso 5 લાખથી ઓછી કિંમતમાં સૌથી વધુ વેચાતી કારોમાંથી એક છે. તેમાં 1.0 લિટર પેટ્રોલ એન્જિન છે જે 66bhp પાવર આપે છે. AMT અને મેન્યુઅલ બંને ઓપ્શન ઉપલબ્ધ છે. 180mm ગ્રાઉન્ડ ક્લિયરન્સ અને SUV જેવો લુક તેને શહેરના રસ્તાઓ માટે અનુકૂળ બનાવે છે. 7 ઇંચ ટચસ્ક્રીન, ડ્યુઅલ એરબેગ્સ અને ABS જેવા જરૂરી સેફટી ફીચર્સ પણ મળે છે. આ કારની એક્સ-શોરૂમ કિંમત ₹3.49 લાખથી ₹5.24 લાખ સુધીની છે.
Maruti Suzuki Alto K10
Alto K10 તેની કોમ્પેક્ટ સાઈઝ અને હલકી ડ્રાઈવિંગ માટે જાણીતી છે. 1.0 લિટર એન્જિન સાથે આ કાર સારો પિક-અપ આપે છે. CNG વિકલ્પ પણ ઉપલબ્ધ હોવાથી માઇલેજ પ્રેમીઓ માટે ઉત્તમ છે. ટાઈટ ટર્નિંગ રેડિયસ તેને ભીડવાળા વિસ્તારોમાં ચલાવવી સરળ બનાવે છે. Maruti Suzuki Alto K10 ની એક્સ-શોરૂમ કિંમત ₹3.69 લાખથી ₹5.44 લાખ સુધીની છે.
Renault Kwid
Renault Kwid SUV-ઇન્સ્પાયરડ ડિઝાઇન સાથે આવે છે. 184mm ગ્રાઉન્ડ ક્લિયરન્સ તેને ખરાબ રસ્તાઓ માટે પણ યોગ્ય બનાવે છે. 1.0 લિટર એન્જિન શહેરમાં ડ્રાઈવિંગ માટે પૂરતું પાવર આપે છે. 8 ઇંચ ટચસ્ક્રીન અને ડિજિટલ ઇન્સ્ટ્રુમેન્ટ ક્લસ્ટર આ સેગમેન્ટમાં તેને અલગ બનાવે છે. Renault Kwid ની એક્સ-શોરૂમ કિંમત ₹4.29 લાખથી ₹5.47 લાખ સુધીની છે.
Tata Tiago
જો તમારી પ્રાથમિકતા સલામતી છે, તો Tata Tiago સૌથી મજબૂત પસંદગી છે. તેને 4-સ્ટાર GNCAP રેટિંગ મળેલું છે. 1.2 લિટર એન્જિન વધુ પાવર આપે છે, જે હાઈવે ડ્રાઈવિંગ માટે ફાયદાકારક છે. ઇન્ટિરિયર પણ અન્ય કારોની સરખામણીએ વધુ પ્રીમિયમ લાગે છે. Tata Tiago ની એક્સ-શોરૂમ કિંમત ₹4.57 લાખથી ₹7.82 લાખ સુધીની છે.
Maruti Suzuki Celerio
Celerio પોતાની શાનદાર ફ્યુઅલ એફિશિયન્સી માટે જાણીતી છે. AMT વેરિઅન્ટમાં 26+ kmpl અને CNGમાં 34 km/kg સુધીનો માઇલેજ મળે છે. 6 એરબેગ્સ અને પુશ-બટન સ્ટાર્ટ જેવી સુવિધાઓ તેને આધુનિક બનાવે છે. Maruti Suzuki Celerio ની એક્સ-શોરૂમ કિંમત ₹4.69 લાખથી ₹6.72 લાખ સુધીની છે.
કઈ કાર કોના માટે યોગ્ય?
ઓફિસ જવા માટે : Alto K10 અને S-Presso
સેફટી માટે : Tata Tiago
માઇલેજ માટે : Celerio
સ્ટાઇલ અને લુક માટે : Renault Kwid
સમજદારીથી પસંદગી કરો
5 લાખથી ઓછી કિંમતમાં કાર લેવી એટલે સમજૂતી કરવી નહીં. જો તમારી જરૂરિયાત સ્પષ્ટ છે, માઇલેજ, સેફટી કે સ્ટાઇલ તો ઉપરની લિસ્ટમાંથી તમે સરળતાથી યોગ્ય કાર પસંદ કરી શકો છો. ખરીદી પહેલા ટેસ્ટ ડ્રાઈવ લેવી અને ઓન-રોડ કિંમત ચોક્કસ તપાસવી જરૂરી છે. નોંધનીય છે કે, આ કારની કિંમત અમદાવાદના ઓટો માર્કેટના આધારે છે. આ કારની કિંમતો અન્ય શહેરો અને રાજ્ય પ્રમાણે બદલાઈ શકે છે.
