વર્તમાન સમયમાં અનેક લોકો Ola, Uber અથવા અન્ય કેબ સર્વિસ પ્લેટફોર્મ સાથે જોડાઈને સારી કમાણી કરવા ઈચ્છે છે. જોકે કેબનો વ્યવસાય શરૂ કરતા પહેલા યોગ્ય કારની પસંદગી કરવી અત્યંત અનિવાર્ય છે. ટેક્સી માટે એવી કાર શ્રેષ્ઠ ગણાય છે જે શાનદાર માઈલેજ આપે અને જેનો મેન્ટેનન્સ ખર્ચ ખૂબ જ ઓછો હોય. ઓછી મહેનતે વધુ નફો રળી આપતી કેટલીક કાર ભારતીય બજારમાં ઉપલબ્ધ છે જેની કિંમત અંદાજે 4.98 લાખ રૂપિયાથી શરૂ થાય છે.
Maruti Dzire Tour S: ટેક્સી ડ્રાઈવરોની પહેલી પસંદ
ભારતીય માર્કેટમાં કેબ તરીકે સૌથી વધુ લોકપ્રિય કાર Maruti Dzire Tour S માનવામાં આવે છે. આ કાર તેની મજબૂતી અને માઈલેજ માટે જાણીતી છે. તેમાં 1.2 લિટરનું પેટ્રોલ એન્જિન આપવામાં આવ્યું છે જે પેટ્રોલ પર 26 કિલોમીટર અને CNG પર અંદાજે 34 કિલોમીટર સુધીની માઈલેજ આપે છે. તેની એક્સ-શોરૂમ કિંમત અંદાજે 6.24 લાખ રૂપિયાથી શરૂ થાય છે. ઓછો મેન્ટેનન્સ ખર્ચ આ કારને બિઝનેસ માટે આદર્શ બનાવે છે.
Maruti Wagon R: ઓછા બજેટમાં વધુ માઈલેજ
જો તમારું બજેટ ઓછું છે અને તમે ખાસ કરીને શહેરી વિસ્તારમાં ટેક્સી ચલાવવા માંગો છો તો Maruti Wagon R એક શ્રેષ્ઠ વિકલ્પ છે. આ કારની કિંમત અંદાજે 4.98 લાખ રૂપિયાથી શરૂ થાય છે. તેમાં 1.2 લિટરનું એન્જિન છે જે પેટ્રોલ પર 25 કિલોમીટર અને CNG પર અંદાજે 34 કિલોમીટરની માઈલેજ પ્રદાન કરે છે. ઓછા રોકાણમાં કેબ સર્વિસ શરૂ કરવા માટે આ પરફેક્ટ મોડલ છે.
Hyundai Aura: પ્રીમિયમ લુક અને આરામદાયક સફર
બજેટની સાથે જો તમે પ્રીમિયમ લુક ઈચ્છતા હોવ તો Hyundai Aura પર પસંદગી ઉતારી શકાય છે. આ કારની શરૂઆતની કિંમત અંદાજે 5.98 લાખ રૂપિયા છે. તેમાં પણ 1.2 લિટરનું પેટ્રોલ એન્જિન મળે છે જે પેટ્રોલ પર 24.7 કિલોમીટર અને CNG પર 28 કિલોમીટરની માઈલેજ આપે છે. આ કારનું સસ્પેન્શન અત્યંત આરામદાયક હોવાથી લાંબી મુસાફરીમાં પેસેન્જરોને ખૂબ જ સુવિધા મળે છે.
Maruti Ertiga: 7-સીટર સેગમેન્ટમાં ધૂમ મચાવતી કાર
જો તમે મોટા પરિવાર અથવા ગ્રુપ બુકિંગ માટે ગાડી લેવા માંગતા હોવ તો Maruti Ertiga શ્રેષ્ઠ છે. આ એક 7-સીટર કાર છે જેની કિંમત 8.80 લાખ થી 12.94 લાખ રૂપિયા વચ્ચે છે. તેમાં 1.5 લિટરનું પાવરફુલ એન્જિન છે જે પેટ્રોલ પર 20.51 કિલોમીટર અને CNG પર 26.11 કિલોમીટરની માઈલેજ આપે છે. તેમાં 360 ડિગ્રી કેમેરા અને ત્રીજી હરોળમાં પણ AC વેટ્સ જેવા આધુનિક ફીચર્સ જોવા મળે છે.
