બેંગલુરુના કેમ્પેગૌડા ઈન્ટરનેશનલ એરપોર્ટ પર સુરક્ષામાં ખામી સામે આવી છે. એરપોર્ટ પર પાર્ક કરેલા ઈન્ડિગો એરલાઈન્સના વિમાન સાથે મિની બસ અથડાઈ. જેના કારણે એરપોર્ટની સુરક્ષા સામે સવાલો ઉઠી રહ્યા છે. કેમ્પેગૌડા ઈન્ટરનેશનલ એરપોર્ટના પ્રવક્તાએ જણાવ્યું કે મિની બસ ઈન્ડિગો એરક્રાફ્ટના અંડરકેરેજ સાથે અથડાઈ હતી. આ ઘટનામાં કોઈને ઈજા થઈ નથી. પ્લેન સાથે અથડાયા બાદ મિની બસની છતને નુકસાન થયું છે.
મિનીબસ જાળવણી કાર્યમાં રોકાયેલી હતી-
થર્ડ પાર્ટી મેન્ટેનન્સ એજન્સી દ્વારા સંચાલિત એક મિની બસ કેમ્પેગોડા રનવે પર ઉભેલા એરક્રાફ્ટના અંડરકેરેજ સાથે અથડાઈ હતી, એમ આંતરરાષ્ટ્રીય એરપોર્ટ દ્વારા જારી કરવામાં આવેલા નિવેદનમાં જણાવાયું હતું. તે પણ જણાવવામાં આવ્યું હતું કે સંબંધિત પક્ષો સાથે સંકલન કરીને તમામ જરૂરી પ્રોટોકોલ તાત્કાલિક અમલમાં મૂકવામાં આવ્યા હતા. આ સાથે એરપોર્ટ ઓથોરિટીના અધિકારીએ કહ્યું કે મુસાફરો અને એરપોર્ટ કર્મચારીઓની સુરક્ષા અમારી સર્વોચ્ચ પ્રાથમિકતા છે.
જરૂર પડશે તો જરૂરી કાર્યવાહી કરવામાં આવશે- ઈન્ડિગો
ઈન્ડિગો એરલાઈન્સે પણ આ મામલે નિવેદન જાહેર કર્યું છે. ઈન્ડિગો એરલાઈન્સે કહ્યું, 'અમે બેંગલુરુ એરપોર્ટ પર પાર્ક કરાયેલ ઈન્ડિગો એરક્રાફ્ટ અને થર્ડ પાર્ટી વાહન વચ્ચેની ઘટનાથી વાકેફ છીએ. આ મામલે તપાસ ચાલુ છે. આ બાબતે જરૂરીયાત મુજબ કાર્યવાહી કરવામાં આવશે.
Bengaluru airport: Tempo traveller driver dozes off, hits grounded IndiGo aircrafthttps://t.co/KGYfTOBWDq pic.twitter.com/YDiwMkjEVC
— ChristinMathewPhilip (@ChristinMP_) April 19, 2025
