Second Test match of the Ashes 2025 series in Brisbane: એશિઝ 2025 સીરિઝની બીજી ટેસ્ટ મેચ બ્રિસ્બેનના ઐતિહાસિક ગ્રાઉન્ડ 'The Gabba' ખાતે શરૂ થઈ છે. પ્રથમ મેચમાં ઓસ્ટ્રેલિયાએ જીતી મેળવીને 5 મેચોની ટેસ્ટ સીરિઝમાં 1-0 ની લીડ મેળવી લીધી હતી, આ મેચ જીતીને ઈંગ્લેન્ડ સીરિઝને બરાબર કરી શકે છે. ઈંગ્લેન્ડના કેપ્ટન Ben Stokes એ ટોસ જીતીને પહેલા બેટિંગ કરવાનો નિર્ણય લીધો હતો. જોકે, ટીમની શરૂઆત કંઈ ખાસ સારી ન હતી, પરંતુ અનુભવી બેટ્સમેન અને પૂર્વ કેપ્ટન Joe Root ની સેંચુરીના કારણે ઈંગ્લેન્ડ મજબૂત સ્થિતિમાં પહોંચ્યું છે.
Joe Root ની ઓસ્ટ્રેલિયાની ધરતી પર પ્રથમ સેંચુરી
ઈંગ્લેન્ડ માટે ઓપનર Zak Crawley 76 રન 93 બોલમાં અને Joe Root એ શાનદાર પાર્ટનરશીપ કરી હતી. Crawley એ 11 ચોગ્ગા સાથે આક્રમક બેટિંગ કરી હતી, પરંતુ Ben Duckett અને Ollie Pope 0 રનમાં જ પેવેલિયન પરત ફર્યા. જોકે, ત્યારપછી Joe Root એ 202 બોલમાં 15 ચોગ્ગા અને 1 સિક્સર સાથે 135 રનની નોટઆઉટ ઇનિંગ રમી છે. આ તેની ઓસ્ટ્રેલિયાની ધરતી પરની પ્રથમ સેંચુરી છે અને તેના ટેસ્ટ કરિયરની આ 40 મી સેંચુરી છે. અન્ય બેટ્સમેનોમાં Harry Brook 31 રનમાં આઉટ થયો. અંતમાં Jofra Archer 26 બોલમાં 32 રન અને Joe Root 135 રનની સાથે નોટઆઉટ છે.
ઓસ્ટ્રેલિયાની બોલિંગ
ઓસ્ટ્રેલિયા તરફથી બોલિંગમાં અનુભવી લેફ્ટ હેન્ડેડ ફાસ્ટ બોલર Mitchell Starc એ ધમાકેદાર પ્રદર્શન કર્યું હતું. તેને 19 ઓવરમાં 71 રન આપીને 6 વિકેટ લીધી, જે ઈંગ્લેન્ડની મધ્યમ ક્રમ માટે મોટી મુશ્કેલી ઊભી કરી હતી. Michael Neser અને Scott Boland ને 1-1 વિકેટ મળી, જ્યારે Brendan Doggett અને Cameron Green વિકેટ લેવામાં નિષ્ફળ રહ્યા હતા.
