કેન્દ્રીય મંત્રી અશ્વિની વૈષ્ણવે X પર એક વીડિયો શેર કર્યો છે, જેમાં તેઓ લેપટોપ વાપરતા જોવા મળી રહ્યા છે. આ લેપટોપ ભારતમાં ડિઝાઇન કરવામાં આવ્યું છે અને સંપૂર્ણપણે ભારતમાં જ બનાવવામાં આવ્યું છે. આ સંપૂર્ણપણે ભારતમાં બનેલું લેપટોપ છે. તેને વી. વી. ડી. એન. ટેક્નોલોજીસ દ્વારા તૈયાર કરવામાં આવ્યું છે. વૈષ્ણવે શેર કરેલા વીડિયોમાં કંપનીના CEO પુનીત અગ્રવાલને એમ કહેતા સાંભળી શકાય છે કે લેપટોપના હાર્ડવેર, મધરબોર્ડ, મિકેનિકલ્સ, બોડી અને ચેસિસ અને સોફ્ટવેર સહિત બધું જ ભારતમાં બનાવવામાં આવ્યું છે.
આંતરરાષ્ટ્રીય ધોરણો અનુસાર ડિઝાઇન કરવામાં આવ્યું છે લેપટોપ
અગ્રવાલે કહ્યું કે તે આંતરરાષ્ટ્રીય ધોરણોને ધ્યાનમાં રાખીને લેપટોપને ડિઝાઈન કરવામાં આવ્યું છે. કંપનીની વેબસાઇટ જણાવે છે કે વિવિડીએન ટેક્નોલોજીસ વિવિધ કંપનીઓને એન્ટ્રી-લેવલ લેપટોપ સોલ્યુશન્સ પ્રદાન કરે છે. લેપટોપમાં 14 ઇંચનું ડિસ્પ્લે, ઇન્ટેલ સેલેરોન પ્રોસેસર, 256GB SATA SSD સ્ટોરેજ અને 8GB રેમ છે. તે માઇક્રોસોફ્ટની વિન્ડોઝ 11 ઓપરેટિંગ સિસ્ટમ ચલાવે છે.
💻 Designed in India and Made in India. pic.twitter.com/5sCetEAbY4
— Ashwini Vaishnaw (@AshwiniVaishnaw) February 26, 2025
કંપની પોતાના નામે લેપટોપ વેચતી નથી
કંપનીની વેબસાઇટ જણાવે છે કે તેના લેપટોપ સફેદ લેબલિંગ માટે ઉપલબ્ધ છે અને મોટા પાયે બનાવવામાં આવે છે. આનો અર્થ એ છે કે વીવીડીએન ટેક્નોલોજીસ તેના પોતાના નામ હેઠળ લેપટોપ વેચતી નથી. કંપની લેપટોપ બનાવે છે અને અન્ય કંપનીઓને વેચે પૂરા પાડે છે, જે તેમને તેમના પોતાના બ્રાન્ડિંગ સાથે બજારમાં વેચે છે. તમને જણાવી દઈએ કે દેશમાં છેલ્લા કેટલાક સમયથી ઇલેક્ટ્રોનિક્સ ઉત્પાદનમાં સુધારો થયો છે અને સરકાર વિવિધ યોજનાઓ દ્વારા ઉત્પાદકોને લાભ પણ આપી રહી છે.
