WHO માંથી વધુ એક દેશ બાકાત! : અમેરિકા બાદ વઘુ એક દેશે WHO સાથે છેડો ફાડવાની કરી જાહેરાત, સામે આવ્યું મોટું કારણ

Argentina Exit from WHO: આર્જેન્ટિનાએ બુધવારે વિશ્વ આરોગ્ય સંગઠન (WHO)થી પોતાને દૂર કરી લીધું છે. આર્જેન્ટિનાના રાષ્ટ્રપતિ જેવિયર માઇલીના પ્રવક્તા મેન્યુઅલ એડોર્નીએ આ જાહેરાત કરી છે. મીડિયાને આપેલા નિવેદનમાં તેમણે કહ્યું કે આરોગ્ય વ્યવસ્થાપનમાં ઊંડા મતભેદોને કારણે આ નિર્ણય લેવામાં આવ્યો છે. તેમણે કહ્યું કે તેઓ કોવિડ-19 મહામારી દરમિયાન WHOની નીતિઓથી સંતુષ્ટ નથી.

પ્રવક્તાએ મીડિયાને આપેલા નિવેદનમાં જણાવ્યું હતું કે રાષ્ટ્રપતિ ઝેવિયર માઇલીએ દેશને WHOથી અલગ કરવાનો નિર્ણય લીધો છે. પ્રવક્તાના જણાવ્યા અનુસાર WHO એ કોવિડ દરમિયાન માનવ ઇતિહાસમાં સૌથી લાંબો શટડાઉન લાદ્યો હતો. વધુમાં આર્જેન્ટિના તેની સાર્વભૌમત્વમાં કોઈપણ આંતરરાષ્ટ્રીય સંગઠન દ્વારા કોઈપણ દખલગીરી સહન કરશે નહીં.

અમેરિકાએ WHO થી અલગ થવાનો નિર્ણય લીધો હતો
તમને જણાવી દઈએ કે આ પહેલા પણ અમેરિકાના રાષ્ટ્રપતિ ડોનાલ્ડ ટ્રમ્પે WHOથી અલગ થવાનો નિર્ણય લીધો હતો. જે બાદ હવે આર્જેન્ટિનાએ WHO માંથી રાજીનામું આપી દીધું છે. અમેરિકાના પાછી ખેંચવાના નિર્ણય પર WHOના મહાનિદેશક-જનરલ ટેડ્રોસ અધાનમ ઘેબ્રેયેસસે જણાવ્યું હતું કે અમેરિકા રોગ નિયંત્રણ અને રોકથામ કેન્દ્રના અધિકારીઓએ WHO સાથે કામ કરવાનું બંધ કરવા કહેવામાં આવ્યું છે. પરંતુ આ સંસ્થા હજુ પણ કેટલાક અમેરિકન વૈજ્ઞાનિકોને ડેટા પૂરી પાડી રહી છે.

WHOનું શું છે કાર્ય?
માહિતી અનુસાર WHO એ સંયુક્ત રાષ્ટ્રની એક ખાસ આરોગ્ય એજન્સી છે, જેની 1948 માં બનાવવામાં આવી હતી. વિશ્વભરના 150થી વધુ દેશો તેના સભ્યો છે. WHOનું મિશન આરોગ્યને પ્રોત્સાહન આપવાનું, વિશ્વને સુરક્ષિત રાખવાનું અને નબળા લોકોની સેવા કરવાનું છે.