WhatsApp New Feature: જ્યારથી WhatsApp પર Meta AI રજૂ કરવામાં આવ્યું છે, ત્યારથી મેસેજિંગ એપ ઇન-એપ સુવિધાઓને સુધારવા માટે કામ કરી રહી છે. તાજેતરમાં, WABeta રિપોર્ટમાં ખુલાસો થયો છે કે ગ્રુપ આઇકોન્સ માટે એક નવું AI ફીચર પણ ટૂંક સમયમાં એપમાં આવી રહ્યું છે, જે યુઝર્સને ગ્રુપ ચેટ્સ માટે પ્રોફાઇલ ફોટો બનાવવાની મંજૂરી આપશે. પહેલા એવું કહેવામાં આવી રહ્યું હતું કે વોટ્સએપ એક એવું ફીચર લાવશે જે પર્સનલ પ્રોફાઈલ ફોટો બનાવી શકશે. જો કે, અત્યારે કંપની તેને ફક્ત ગ્રુપ્સ માટે જ લાવ્યું છે, ચાલો જાણીએ તેના વિશે…
મેટા એઆઈ તૈયાર કરશે ગ્રુપ ફોટો
આ ફીચર ખાસ કરીને એવા યુઝર્સ માટે ઉપયોગી થશે જેમની પાસે પોતાના ગ્રુપ માટે કોઈ ફોટો નથી. હાલનો ફોટો શોધવા અથવા નવો ફોટો લેવાને બદલે યૂઝર્સ ફક્ત વિગતો દાખલ કરી શકે છે અને Meta AI ફોટો બનાવશે. જ્યારે આ ફીચરનો ઘણી રીતે ઉપયોગ કરી શકાય છે. રિપોર્ટ અનુસાર, Google Play Store પરથી WhatsAppનું લેટેસ્ટ સ્ટેબલ વર્ઝન ઇન્સ્ટોલ કરનારા કેટલાક યુઝર્સે આ ફીચર વિશે જાણ કરી છે. વોટ્સએપે આ ફીચર વિશે સત્તાવાર માહિતી પણ આપી છે. જો કે, તે હજી સુધી દરેક માટે બહાર પાડવામાં આવ્યું નથી.
આવી રહ્યું છે UPI લાઇટ
આ સિવાય WhatsApp પોતાની પેમેન્ટ સિસ્ટમમાં એક નવું ફીચર ઉમેરવા પર કામ કરી રહ્યું છે. એન્ડ્રોઇડ ઓથોરિટીના અહેવાલ મુજબ, સોશિયલ મીડિયા પ્લેટફોર્મ UPI લાઇટનું પરીક્ષણ કરી રહ્યું છે, જે નાના વારંવારના વ્યવહારોને ઝડપી અને વધુ સુવિધાજનક બનાવવા માટે રચાયેલ છે. આ ફીચર WhatsAppને Google Pay, PhonePe અને Paytm જેવી પેમેન્ટ એપ સાથે સ્પર્ધા કરવામાં મદદ કરી શકે છે.
ટેસ્ટિંગ ફેજમાં ફીચર
WhatsApp v2.25.5.17 બીટા વર્ઝનના તાજેતરના ટીઅરડાઉનમાં UPI લાઇટથી સંબંધિત કોડની સ્ટ્રિંગ મળી આવી છે. આ સ્ટ્રીંગ્સ સૂચવે છે કે WhatsApp આ ફીચર તૈયાર કરી રહ્યું છે, જોકે તે હજુ ટેસ્ટિંગ તબક્કામાં છે. આ સુવિધા ફક્ત બીટા વર્ઝનમાં જ ઉપલબ્ધ છે, તેથી તે સ્પષ્ટ નથી કે તે બધા વપરાશકર્તાઓ માટે ક્યારે રોલઆઉટ કરવામાં આવશે.
AI ઈમેજ ક્રિએશનમાં ભારત આગળ: ChatGPTનો નવો ટૂલ ટ્રેન્ડમાં
