મોંઘા ફિચર્સ અને સસ્તા ભાવ : KIA Syrosની ભારતમાં એન્ટ્રી, જાણી લો આ કોમ્પેક્ટ SUVના ભાવ

નવી Kia Syrosની ભારતમાં એન્ટ્રી થઈ ગઈ છે. તેની ડિઝાઈન થોડી અલગ છે અને તેમાં ઘણા સેગમેન્ટ ફર્સ્ટ ફીચર્સ સામેલ કરવામાં આવ્યા છે. ચાલો જાણીએ આ SUVમાં શું છે ખાસ અને નવું.

Kia ઈન્ડિયાએ ભારતમાં તેની નવી કોમ્પેક્ટ SUV SYROS લોન્ચ કરી દીધી છે. હાલમાં તેની કિંમતનો ખુલાસો કરવામાં આવ્યો નથી. KIA Syros ની ડિલિવરી ફેબ્રુઆરી 2025થી શરૂ કરાશે, જ્યારે તેની કિંમત જાન્યુઆરી 2025માં જાહેર કરવામાં આવશે. આ કારને ઓટો એક્સપો 2025માં પણ રજૂ કરવામાં આવશે. નવી Syros એ ભારત માટે કંપનીનું ચોથું મોડલ છે. જે રેઈન્ફોર્સ્ડ K1 પ્લેટફોર્મ પર બનાવવામાં આવ્યું છે. આ નવી SUVમાં આવા ઘણા ફીચર્સ સામેલ કરવામાં આવ્યા છે જે તેને ખાસ બનાવે છે.

એન્જિન અને પાવર
Kia syrosમાં બે એન્જિન વેરિએન્ટના વિકલ્પો ઉપલબ્ધ છે, જેમાં 1.0 ટર્બો પેટ્રોલ એન્જિન અને ડીઝલ વેરિએન્ટમાં 1.5 લિટર એન્જિન પાવર આપવામાં આવ્યો છે. જેમાં 6-સ્પીડ મેન્યુઅલ, 6-સ્પીડ ઓટોમેટિક અને 7-સ્પીડ ડ્યુઅલ ક્લચ ઓટોમેટિક ગિયરબોક્સનો ઓપ્શન શામેલ છે. આ કારમાં ફ્રોસ્ટ બ્લુ, પ્યુટર ઓલિવ, ઓરોરા બ્લેક પર્લ, ઈન્ટેન્સ રેડ, ગ્રેવીટી ગ્રે, ઈમ્પીરીયલ બ્લુ, સ્પાર્કલિંગ સિલ્વર અને ગ્લેશિયર વ્હાઇટ પર્લ જેવા કલરના ઓપ્શન ઉપલબ્ધ છે.

એટલું જ નહીં, KIA Syrosમાં 30-ઇંચનું મોટું સનરૂફ છે જે પ્રથમ સેગમેન્ટ છે. આ સિવાય તેમાં 17 ઈંચના વ્હીલ્સ છે. નવા સાયરસમાં ફ્લશ ડોર હેન્ડલ્સ અને L આકારના ટેલ લેમ્પ્સ પણ છે, સાથે જ ADAS લેવલ 2, રિક્લાઈનિંગ રીઅર સીટો, 8 સ્પીકર ઓડિયો સિસ્ટમ અને પાવર્ડ હેન્ડબ્રેક આપવામાં આવી છે.

નવી Syrosમાં વેન્ટિલેટેડ સીટો આપવામાં આવી છે. તેમાં સામાન રાખવા માટે સારી બૂટ સ્પેસ છે. એરક્રાફ્ટ થ્રોટલ-જેવું ગિયર શિફ્ટર અને 360 ડિગ્રી કેમેરા પાર્કિંગ આપવામાં આવ્યું છે, મલ્ટીપલ ટાઇપ-સી USB પોર્ટની સાથે, કારમાં વાયરલેસ ચાર્જિંગની સુવિધા પણ છે.

KIA Syrosની લંબાઈ 3,995 mm, પહોળાઈ 1,800 mm અને ઊંચાઈ 1,665 mm છે. જો આપણે વ્હીલબેઝની વાત કરીએ, તો Syrosમાં 2,550 mm છે. સાયરોસે હરમન કાર્ડન પ્રીમિયમ 8 સ્પીકર સાઉન્ડ સિસ્ટમ, સ્માર્ટફોન વાયરલેસ ચાર્જર જેવી સુવિધાઓ રજૂ કરી છે.