Rahul Khanna: તાજેતરમાં રિલીઝ થયેલી સ્પાય થ્રિલર ફિલ્મ 'Dhurandhar ' બોક્સ ઓફિસ પર ધૂમ મચાવી રહી છે અને અક્ષય ખન્નાના અભિનયની દરેક જગ્યાએ વાહવાહી થઈ રહી છે. આદિત્ય ધર દિગ્દર્શિત આ ફિલ્મમાં અક્ષય ખન્નાએ રહેમાન ડાકુની નેગેટિવ ભૂમિકા ભજવી છે, જેની પ્રશંસા દર્શકો અને વિવેચકો તરફથી મળી રહી છે. રણવીર સિંહ આ ફિલ્મના મુખ્ય હીરો છે, જ્યારે સંજય દત્ત, આર. માધવન અને અર્જુન રામપાલ પણ મહત્વની ભૂમિકાઓમાં છે.
31 દિવસ પછી પણ થિયેટરોમાં ધમાલ
ફિલ્મ 5 ડિસેમ્બર 2025ના રોજ રિલીઝ થઈ હતી અને 31 દિવસ પછી પણ થિયેટરોમાં ધમાલ મચાવી રહી છે. ભારતમાં ફિલ્મનું કુલ કલેક્શન ₹772 કરોડને પાર કરી ગયું છે, જ્યારે વૈશ્વિક સ્તરે ₹1200 કરોડનો આંકડો પાર થઈ ચૂક્યો છે. આ ફિલ્મ 2025ની સૌથી મોટી હિટ બની છે અને ટોચની કમાણી કરનારી ફિલ્મોની યાદીમાં સ્થાન મેળવી ચૂકી છે. આટલી મોટી સફળતા વચ્ચે આશ્ચર્યની વાત એ છે કે અક્ષય ખન્નાના મોટા ભાઈ અને અભિનેતા-મોડલ રાહુલ ખન્નાએ હજુ સુધી આ ફિલ્મ જોઈ નથી.
અક્ષય સાથે મળીને ફિલ્મ જોવા માંગે છે
એક ઇન્ટરવ્યુમાં રાહુલે કહ્યું, "મેં હજુ સુધી ફિલ્મ જોઈ નથી. અક્ષય જે કંઈ પહેરે છે તેમાં ખૂબ સારા દેખાય છે, મને ખાતરી છે કે તે અદ્ભુત દેખાતો હશે."રાહુલે આ પાછળ અંગત કારણો હોવાનું જણાવ્યું અને કહ્યું કે તે અક્ષય સાથે મળીને ફિલ્મ જોવા માંગે છે. ખન્ના બ્રધર્સના આ નજીકના સંબંધોની ચાહકો વારંવાર પ્રશંસા કરતા રહ્યા છે. અગાઉના ઇન્ટરવ્યુમાં અક્ષયે પણ તેમના ભાઈ સાથેના બોન્ડ વિશે વાત કરી હતી.
'ધુરંધર'નો બીજો ભાગ 19 માર્ચ 2026ના રોજ રિલીઝ થવાનો છે. આ ફિલ્મે બોક્સ ઓફિસ પર નવા રેકોર્ડ્સ બનાવ્યા છે અને અક્ષય ખન્નાને વર્ષના સૌથી પ્રશંસનીય અભિનેતાઓમાં સ્થાન અપાવ્યું છે.
