Aishwarya Rai: બોલીવુડની ‘વિશ્વ સુંદરી’ ઐશ્વર્યા રાય બચ્ચને ફરી એકવાર પોતાની અદાથી દુનિયાને દીવાની બનાવી દીધી છે. સાઉદી અરેબિયાના રેડ સી ઇન્ટરનેશનલ ફિલ્મ ફેસ્ટિવલમાં તે કાળા રંગના આકર્ષક ગાઉનમાં પહોંચી અને એક્ઝોટિક એમેરાલ્ડ ગ્રીન પેન્ડન્ટ સાથે તેનો લુક એટલો ખતરનાક બની ગયો કે ચાહકોની ટિપ્પણીઓનો દરિયો ઉભરાઈ ગયો!
ઇન્સ્ટાગ્રામ પર આ અદભુત ફોટા શેર
ઐશ્વર્યાએ પોતે ઇન્સ્ટાગ્રામ પર આ અદભુત ફોટા શેર કર્યા અને કેપ્શનમાં માત્ર એક લાલ હાર્ટ ઇમોજી મૂકી. બસ, એટલું જ કાફી હતું ઇન્ટરનેટ પર તહેલકો મચાવવા માટે. નરમ કર્લ્સવાળા વાળ, સોફ્ટ મેકઅપ અને એ કિલર સ્માઇલ – ઐશ હજુ પણ દુનિયાની સૌથી સુંદર મહિલા કેમ કહેવાય છે, એનો જીવંત પુરાવો આ ફોટા છે.
ચાહકોએ કોમેન્ટ બોક્સમાં પ્રેમનો વરસાદ વરસાવ્યો
“દુનિયાની સૌથી સુંદર સ્ત્રી ”
“ઉંમર માત્ર નંબર છે, ઐશ તો હંમેશા 25ની લાગે છે!”
“કાળા ડ્રેસમાં આગ લગાવી દીધી ”
સત્ય સાંઈ બાબાનો શતાબ્દી મહોત્સવ
બીજી તરફ, હમણાં જ ઐશ્વર્યા પુટ્ટપર્થીમાં સત્ય સાંઈ બાબાના શતાબ્દી મહોત્સવમાં પણ જોવા મળી હતી, જ્યાં તેના આધ્યાત્મિક ભાષણે લોકોના દિલ જીતી લીધા. વડાપ્રધાન નરેન્દ્ર મોદીનો આભાર માનતાં અને સાંઈ બાબાના “એક જ જાતિ – માનવ જાતિ, એક જ ધર્મ – પ્રેમનો ધર્મ” જેવા સંદેશને યાદ કરતું તેનું ભાષણ પણ ઝડપથી વાયરલ થયું. એક જ અઠવાડિયામાં ગ્લેમરની દેવી અને આધ્યાત્મિક પ્રેરણા – ઐશ્વર્યા રાય બચ્ચન ખરેખર અજોડ છે!
