વેકેશનની શરૂઆત થઈ ગઈ છે. હવે બધા વેકેશનના મૂડમાં આવી ગયા છે તેવામાં તમે પણ સારી જગ્યાએ જવાનો પ્લાન બનાવતા હશો. અમે તમારી માટે એવી 9 જગ્યા લઈને આવ્યા છે કે તમે આ વેકેશનમાં આ જગ્યાએ ફરસોતો તમારી ટ્રિપ યાદગાર રહી જશે. અમદાવાદની ઓળખ તેના સમૃદ્ધ ઇતિહાસ અને સંસ્કૃતિમાં વસે છે. તમારી ટ્રિપની શરૂઆત શહેરના હેરિટેજ સ્થળોથી કરો.
સાબરમતી આશ્રમ
મહાત્મા ગાંધી સાથે જોડાયેલું આ સ્થાન શાંતિ અને પ્રેરણાનું કેન્દ્ર છે, જ્યાં પરિવાર સાથે શાંત વાતાવરણમાં સમય પસાર કરી શકાય.
કાંકરિયા તળાવ
કાંકરિય લેકમાં બાળકો માટે ટોય ટ્રેન, ઝૂ જેવી અનેક મજેદાર પ્રવૃત્તિઓ છે. સાંજના સમયે અહીંનું વાતાવરણ ખાસ આનંદદાયક બની જાય છે. લાઈટિંગ પણ જોવા લાયક હોય છે.
અડાલજ સ્ટેપવેલ
અડાલજ સ્ટેપવેલની મુલાકાત લો, જે તેની આર્કિટેક્ચર અને ઐતિહાસિક મહત્વ માટે જાણીતું છે.
સાયન્સ સિટી અમદાવાદ
અહીં વિજ્ઞાન, ટેક્નોલોજી અને એડ્યુટેઇનમેન્ટનો સુંદર સમન્વય જોવા મળે છે. IMAX થિયેટર અને રોબોટિક ગેલેરીનું ખાસ આકર્ષણ છે.
થોળ તળાવ પક્ષી અભયારણ્ય
થોળ તળાવ પક્ષી અભયારણ્ય પ્રકૃતિપ્રેમીઓ માટે સ્વર્ગ સમાન છે, ખાસ કરીને શિયાળામાં વિવિધ પક્ષીઓ અહીં જોવા મળે છે.
રિવરફ્રન્ટ અમદાવાદ
રિવરફ્રન્ટની પરની મુલાકાત લો, સાંજના સમયે અહીં લાઈટિંગ, સાયકલિંગ અને ફૂડ સ્ટોલ્સની મજા માણી શકો છે. રિવરફ્રન્ટ પર સવારે પણ વોકિંગની મજા માણી શકાય છે.
