IND vs PAK U19 Asia Cup: ACC મેન્સ અંડર-19 એશિયા કપ 2025ની ગ્રુપ Aની મહત્વની મેચમાં ભારત અને પાકિસ્તાન વચ્ચે કાંટાની ટક્કર જોવા મળી રહી છે. પાકિસ્તાન સામે બેટિંગ કરતા ભારતીય યુવા ટીમે મુશ્કેલીનો સામનો કર્યો છે, પરંતુ એરોન જ્યોર્જની શાનદાર અડધી સદીએ ટીમને મજબૂત સ્થિતિ અપાવી છે. મેચની શરૂઆતમાં ભારતને વહેલી વિકેટો ગુમાવવાનો ફટકો પડ્યો. ઓપનર વૈભવ સૂર્યવંશી (પહેલી મેચમાં 171 રનના હીરો), કેપ્ટન આયુષ મ્હાત્રે અને વિહાન મલ્હોત્રા પેવેલિયન પરત ફર્યા હતા. ચોથી વિકેટ તરીકે વેદાંત ત્રિવેદી 22 બોલમાં માત્ર 7 રન બનાવીને આઉટ થયો. તેને પાકિસ્તાનના નીકાબ અહેમદે કેચ આઉટ કરાવ્યો.
UAE સામે 433 રનનો વિશાળ સ્કોર બનાવી 234 રનથી જીત
આ સમયે ભારતનો સ્કોર 113 રન પર 4 વિકેટ હતો. જોકે, એરોન જ્યોર્જે એક છેડે મજબૂતીથી બેટિંગ કરી અને અડધી સદી ફટકારી. તે 47 રન (અણનમ) સાથે ક્રીઝ પર છે, જ્યારે અભિજ્ઞાન કુંડુ તેની સાથે છે. 21 ઓવર પૂર્ણ થતાં ભારતનો સ્કોર 4 વિકેટે 116 રન છે. ભારતીય ટીમે પહેલી મેચમાં UAE સામે 433 રનનો વિશાળ સ્કોર બનાવી 234 રનથી જીત મેળવી હતી. આ મેચમાં પણ યુવા બેટ્સમેનો પાકિસ્તાની બોલરો સામે મજબૂત પ્રદર્શન કરવાના પ્રયાસમાં છે. મેચ હજુ ચાલુ છે અને ભારત મજબૂત સ્કોર તરફ આગળ વધી રહ્યું છે. આ મેચ ICC એકેડેમી ગ્રાઉન્ડ, દુબઈ ખાતે રમાઈ રહી છે. ભારતીય ચાહકો એરોન જ્યોર્જ અને અન્ય બેટ્સમેનો પાસેથી મોટી ઇનિંગની આશા રાખી રહ્યા છે.
