Gujarat Weather 2026: દેશમાં છેલ્લા ૩ દિવસથી વેસ્ટર્ન ડિસ્ટર્બન્સ (પશ્ચિમી વિક્ષોભ) ના કારણે વરસાદ અને ઠંડા પવનોનો દોર ચાલુ છે, જેના લીધે હીટવેવનો પ્રકોપ ઓછો થયો છે. જોકે, વરસાદ અને વાવાઝોડાએ મુશ્કેલીઓ પણ વધારી છે, પરંતુ લોકોને લૂ અને અસહ્ય ગરમીમાંથી રાહત મળી છે. રાજસ્થાનમાં ધૂળની ડમરીઓ અને રેતાળ વાવાઝોડાએ લોકોને પરેશાન કર્યા તો ઉત્તરાખંડમાં નદીઓમાં પૂર આવવાના કારણે ફસાયેલા પ્રવાસીઓનું રેસ્ક્યૂ કરવું પડ્યું હતું.
IMD: અનુસાર, મે મહિનાના અંતમાં અને જૂનની શરૂઆતમાં આ ઠંડા હવામાનનું મુખ્ય કારણ નિષ્ણાતોએ રાજસ્થાન અને મધ્ય પાકિસ્તાન પર સક્રિય થયેલા વેસ્ટર્ન ડિસ્ટર્બન્સને ગણાવ્યું છે. આ અઠવાડિયે પણ પૂર્વોત્તર ભારત અને દક્ષિણ ભારતમાં ભારે વરસાદની સંભાવના છે. 1 જૂનથી 6 જૂન સુધી દિલ્હી સહિત ઉત્તર-પશ્ચિમ અને મધ્ય ભારતના 10 થી વધુ રાજ્યોમાં હળવો વરસાદ, ગાજવીજ અને તીવ્ર પવન ફૂંકાવાની શક્યતા છે.
4 જૂને કેરળ પહોંચશે દક્ષિણ-પશ્ચિમ ચોમાસું
IMD ના જણાવ્યા અનુસાર, દક્ષિણ-પશ્ચિમ ચોમાસું સામાન્ય રીતે 1 જૂને કેરળમાં પ્રવેશી જતું હોય છે, પરંતુ આ વખતે ચોમાસા પર એલ નિનો (El Nino) ની અસર જોવા મળી રહી છે. આવી સ્થિતિમાં ચોમાસું 4 જૂન સુધીમાં કેરળમાં પ્રવેશ કરે તેવો અંદાજ છે. આગામી 3-4 દિવસમાં ચોમાસું દક્ષિણ-પશ્ચિમ અને દક્ષિણ-પૂર્વ અરબી સમુદ્રના કેટલાક વધુ ભાગો, લક્ષદ્વીપ ટાપુઓ, કેરળ અને તમિલનાડુના કેટલાક ભાગો, દક્ષિણ-પશ્ચિમ, પશ્ચિમ-મધ્ય, પૂર્વ-મધ્ય અને ઉત્તર-પૂર્વ બંગાળની ખાડીના કેટલાક વિસ્તારો તથા દક્ષિણ-પૂર્વ બંગાળની ખાડીના બાકીના ભાગોમાં આગળ વધવા માટે સાનુકૂળ પરિસ્થિતિઓ બની રહી છે.
આવતીકાલે 2 જૂને આ રાજ્યોમાં વરસશે વાદળો
હવામાન વિભાગના જણાવ્યા અનુસાર, આવતીકાલે 2 જૂને પંજાબ, હરિયાણા, દિલ્હી, ઉત્તર પ્રદેશ, મધ્ય પ્રદેશ, બિહાર, ગુજરાત, ઝારખંડ અને રાજસ્થાનમાં 40 થી 50 કિમી પ્રતિ કલાકની ઝડપે પવન ફૂંકાઈ શકે છે. મહારાષ્ટ્ર અને કર્ણાટકના કેટલાક વિસ્તારોમાં પણ જોરદાર પવન અને વીજળીના કડાકા-ભડાકા થવાની સંભાવના છે. તમિલનાડુ, પુડુચેરી, કેરળ અને કર્ણાટકમાં પણ ઘણી જગ્યાએ હળવો તો કેટલીક જગ્યાએ ભારે વરસાદનો અંદાજ છે. પૂર્વોત્તર રાજ્યો અસમ, મેઘાલય, અરુણાચલ પ્રદેશ, નાગાલેન્ડ, મણિપુર, મિઝોરમ અને ત્રિપુરામાં પણ વરસાદ અને વાવાઝોડાની શક્યતા છે.
3 જૂને આ રાજ્યોમાં વરસાદી માહોલ રહેશે
પરમદિવસે 3 જૂને પંજાબ, હરિયાણા, દિલ્હી, ચંદીગઢ, મધ્ય પ્રદેશ, ઉત્તર પ્રદેશ અને રાજસ્થાનના કેટલાક વિસ્તારોમાં 40-50 કિલોમીટર પ્રતિ કલાકની ઝડપે તીવ્ર પવન ફૂંકાઈ શકે છે. છત્તીસગઢ, ઝારખંડ અને બિહારના કેટલાક વિસ્તારોમાં વરસાદની સાથે વાવાઝોડાની સ્થિતિ રહી શકે છે. કેરળ, કર્ણાટકમાં, તમિલનાડુ, પુડુચેરી અને આંધ્રપ્રદેશમાં વરસાદ પડવાનો અંદાજ છે. દરિયાકાંઠાના વિસ્તારોમાં ક્યાંક-ક્યાંક ભારે વરસાદ પણ થઈ શકે છે. અસમ, મેઘાલય, અરુણાચલ પ્રદેશ, નાગાલેન્ડ, મણિપુર, મિઝોરમ અને ત્રિપુરામાં વરસાદ અને વાવાઝોડાની અસર જોવા મળશે.
બંગાળ સરકારમાં મંત્રી બન્યો ટીમ ઈન્ડિયાનો આ ધુરંધર : CM સુવેન્દુએ સરકારમાં આપી મોટી જવાબદારી
દિલ્હીમાં હવામાનમાં ઠંડક જળવાઈ રહેશે
IMD અનુસાર, દિલ્હીમાં જૂનના પ્રથમ સપ્તાહમાં પણ હવામાન ખુશનુમા અને ઠંડુ રહેશે. ધૂળભરી આંધી ચાલવા, હળવો વરસાદ થવા અને ગાજવીજ માટે યલો એલર્ટ જાહેર રહેશે. પવન અને વરસાદના કારણે તાપમાન 40 ડિગ્રીથી નીચે રહેવાનો અંદાજ છે. ગઈકાલે રવિવારે દિલ્હીનું મહત્તમ અને લઘુત્તમ તાપમાન સામાન્ય કરતાં 3 થી 6 ડિગ્રી ઓછું રહ્યું હતું. વાદળછાયું વાતાવરણ, પવન અને હળવા તડકા વચ્ચે મહત્તમ તાપમાન સામાન્ય કરતાં 4.2 ડિગ્રી ઓછું એટલે કે 35.8 ડિગ્રી નોંધાયું હતું. જ્યારે લઘુત્તમ તાપમાન સામાન્ય કરતાં 3.6 ડિગ્રી ઓછું એટલે કે 23.3 ડિગ્રી નોંધાયું હતું.
