આધાર કાર્ડ ધારકો માટે સૌથી મોટા રાહતના સમાચાર આવ્યા છે. હવે તમારે આધાર કાર્ડમાં તમારો મોબાઈલ નંબર બદલવા કે અપડેટ કરવા માટે આધાર કેન્દ્રની લાંબી લાઈનોમાં ઊભા રહેવું નહીં પડે. UIDAI (Unique Identification Authority of India)એ નવી આધાર એપ લોન્ચ કરી છે, જેના દ્વારા તમે ઘરે બેઠા જ મોબાઈલ નંબર અપડેટ કરી શકશો. ટૂંક સમયમાં નામ અને સરનામું બદલવાની સુવિધા પણ આ એપ પર શરૂ થશે.
કોઈ ડોક્યુમેન્ટની જરૂર નથી (No Documents Required)
સૌથી મહત્વની વાત એ છે કે મોબાઈલ નંબર અપડેટ કરવા માટે તમારે કોઈ પણ પ્રકારના દસ્તાવેજ (Document) આપવાની જરૂર નથી. આખી પ્રક્રિયા ફેસ ઓથેન્ટિકેશન (Face Authentication) અને OTP દ્વારા પૂરી થશે. આ સુવિધાનો સૌથી મોટો લાભ ગ્રામીણ વિસ્તારના લોકો અને વરિષ્ઠ નાગરિકોને થશે.
કેવી રીતે બદલશો મોબાઈલ નંબર? (Step-by-Step Process)
UIDAIની નવી એપ પર પ્રોસેસ ખૂબ જ સરળ છે:
સૌથી પહેલા ફોનમાં 'AADHAAR' એપ ડાઉનલોડ કરો અને લોગ-ઈન કરો.
'સર્વિસીઝ' મેનુમાં જઈને 'માય આધાર અપડેટ' પર ક્લિક કરો.
ત્યાં મોબાઈલ નંબર અપડેટનો વિકલ્પ પસંદ કરો.
તમારો હાલનો મોબાઈલ નંબર નાખો અને OTP વેરીફાય કરો.
હવે નવો મોબાઈલ નંબર દાખલ કરો અને તેના પર આવેલો OTP નાખો.
છેલ્લે, ફેસ ઓથેન્ટિકેશન માટે કેમેરા સામે જોઈને આંખ બંધ-ખોલ કરો.
₹75ની ફી ઓનલાઈન ભરો એટલે તમારી પ્રોસેસ પૂરી.
શા માટે મોબાઈલ નંબર લિંક હોવો જરૂરી છે?
આધાર કાર્ડ સાથે મોબાઈલ નંબર લિંક હોવો અત્યંત આવશ્યક છે કારણ કે બેંક એકાઉન્ટ, ઈન્કમ ટેક્સ રિટર્ન, સરકારી સબસિડી અને ડિઝીલોકર જેવી સુવિધાઓ માટે OTP આધારિત વેરિફિકેશન જરૂરી હોય છે.
નવી એપની ખાસિયતો
ફેસ સ્કેન શેરિંગ: હવે ID શેર કરવા માટે ઝેરોક્ષની જરૂર નથી, ફેસ સ્કેનથી સુરક્ષિત રીતે ડેટા શેર થશે.
ફેમિલી મેનેજમેન્ટ: એક જ ફોનમાં તમે પરિવારના 5 સભ્યોના આધાર કાર્ડ સાચવી શકશો.
સિક્યોરિટી: આ એપ બાયોમેટ્રિક લોક અને પ્રાઈવસી-ફર્સ્ટ ફીચર્સ સાથે આવે છે.
