આજે 26 જુલાઈ છે. ભારત માટે આ દિવસ ગૌરવ, શૌર્ય અને બલિદાનનું પ્રતીક માનવામાં આવે છે, કારણ કે આજે સમગ્ર દેશમાં કારગિલ વિજય દિવસ (Kargil Vijay Diwas) ઉજવવામાં આવે છે. વર્ષ 1999માં ભારતે કારગિલ યુદ્ધમાં પાકિસ્તાનને જડબાતોડ જવાબ આપીને ઐતિહાસિક જીત મેળવી હતી. આ જીત માટે 500થી વધુ ભારતીય જવાનોએ સર્વોચ્ચ બલિદાન આપ્યું હતું. દર વર્ષે 26 જુલાઈએ દેશ આ શહીદોને શ્રદ્ધાંજલિ અર્પણ કરે છે. આ દિવસ સાથે ઇતિહાસમાં અનેક મહત્વપૂર્ણ ઘટનાઓ પણ જોડાયેલી છે.
કારગિલ વિજય દિવસનું ઐતિહાસિક મહત્વ
વર્ષ 1999માં પાકિસ્તાની સૈનિકો અને ઘૂસણખોરોએ જમ્મુ-કાશ્મીરના કારગિલ ક્ષેત્રમાં નિયંત્રણ રેખા (LoC) પાર કરીને ભારતીય વિસ્તાર પર કબજો જમાવવાનો પ્રયાસ કર્યો હતો. ભારતીય સેનાએ 'ઓપરેશન વિજય' શરૂ કરીને દુશ્મનોને ખદેડી કાઢ્યા અને 26 જુલાઈ 1999ના રોજ કારગિલ પર ફરીથી સંપૂર્ણ નિયંત્રણ મેળવ્યું.
આ યુદ્ધમાં ભારતીય સેનાના 500થી વધુ જવાનો શહીદ થયા હતા. તેમના અદમ્ય સાહસ અને બલિદાનની યાદમાં દર વર્ષે કારગિલ વિજય દિવસ ઉજવવામાં આવે છે. દ્રાસ સ્થિત કારગિલ વોર મેમોરિયલ ખાતે શહીદોને શ્રદ્ધાંજલિ આપવામાં આવે છે અને દેશભરમાં વિવિધ કાર્યક્રમો યોજાય છે.
26 જુલાઈની મહત્વપૂર્ણ ઐતિહાસિક ઘટનાઓ
1614 – મુઘલ સમ્રાટ જહાંગીરે મેવાડના રાણાનું પોતાના દરબારમાં સ્વાગત કર્યું.
1826 – લિથુઆનિયામાં થયેલી હિંસામાં અનેક યહૂદીઓના મોત થયા.
1945 – વિન્સ્ટન ચર્ચિલે ચૂંટણીમાં હાર બાદ બ્રિટનના વડાપ્રધાન પદેથી રાજીનામું આપ્યું.
1951 – નેધરલેન્ડે જર્મની સાથે યુદ્ધ સમાપ્ત કરવાની જાહેરાત કરી.
1965 – માલદીવને બ્રિટિશ શાસનમાંથી સ્વતંત્રતા મળી.
1974 – ફ્રાંસે મુરુરા ટાપુ પર પરમાણુ પરીક્ષણ કર્યું.
1993 – દક્ષિણ કોરિયામાં બોઇંગ વિમાન દુર્ઘટનામાં 66 લોકોના મોત થયા.
1994 – કુર્દ વિસ્તારમાં તુર્કી એરફોર્સના હુમલામાં 70 લોકો માર્યા ગયા.
1997 – શ્રીલંકાએ એશિયા કપ જીત્યો અને ખેમર રૂજના નેતા પોલ પોટને આજીવન કેદની સજા ફટકારાઈ.
1998 – પ્રખ્યાત મહિલા ખેલાડી જેકી જોયનર-કર્સીએ રમતમાંથી નિવૃત્તિ લીધી.
1999 – ભારતે કારગિલ યુદ્ધમાં ઐતિહાસિક વિજય મેળવ્યો અને કારગિલ વિજય દિવસની શરૂઆત થઈ.
2000 – ફિજીમાં સેનાએ બળવાખોર નેતા જ્યોર્જ સ્પાઈટની ધરપકડ કરી.
2002 – ઇન્ડોનેશિયાની કોર્ટે પૂર્વ રાષ્ટ્રપતિ સુહાર્તોના પુત્રને 15 વર્ષની જેલની સજા ફટકારી. પ્રથમ છત્તીસગઢ રાજ્ય શૂટિંગ ચેમ્પિયનશિપનો પ્રારંભ થયો.
2004 – ઇરાન અને ભારત વચ્ચે ગેસ પાઇપલાઇન મુદ્દે ચર્ચા થઈ. બ્રાઝિલે આર્જેન્ટિનાને હરાવી કોપા અમેરિકા જીત્યો.
2005 – નાસાએ સ્પેસ શટલ ડિસ્કવરીનું સફળ પ્રક્ષેપણ કર્યું.
2006 – લેબનોનમાં ઇઝરાયેલી હુમલામાં સંયુક્ત રાષ્ટ્રના ચાર નિરીક્ષકોના મોત થયા.
2007 – પાકિસ્તાને બાબર હતફ-7 પરમાણુ ક્ષમતા ધરાવતી ક્રુઝ મિસાઇલનું સફળ પરીક્ષણ કર્યું.
2008 – યુરોપિયન વૈજ્ઞાનિકોએ સૌરમંડળની બહાર નવા ગ્રહની શોધ કરી.
આજે જન્મજયંતિ
કૃષ્ણ પટ્ટાભી જોઈસ (1915) – પ્રખ્યાત ભારતીય યોગાચાર્ય.
વિદ્યાવતી 'કોકિલ' (1914) – જાણીતા ભારતીય કવિયત્રી.
માલતી ચૌધરી (1904) – સ્વાતંત્ર્ય સેનાની અને ગાંધીવાદી સમાજસેવિકા.
છત્રપતિ સાહુ મહારાજ (1874) – મહારાષ્ટ્રના મહાન સમાજ સુધારક અને દલિત હિતરક્ષક.
આજે પુણ્યતિથિ
ઉબેદ સિદ્દીકી (2013) – પ્રખ્યાત વૈજ્ઞાનિક અને ટાટા ઇન્સ્ટિટ્યૂટ ઓફ ફંડામેન્ટલ રિસર્ચના સ્થાપક-નિર્દેશક.
સત્ય નારાયણ સિંહા (1983) – પૂર્વ કેન્દ્રીય મંત્રી અને કોંગ્રેસના વરિષ્ઠ નેતા.
વાસુદેવ શરણ અગ્રવાલ (1966) – જાણીતા ભારતીય વિદ્વાન અને ઇતિહાસકાર.
