અમદાવાદ એરપોર્ટ પર મોટી વિમાન દુર્ઘટના ટળી: એક જ રનવે પર બે પ્લેન સામસામે આવ્યા

અમદાવાદ એરપોર્ટ પર સાંજે આશરે ૬:૩૦ વાગ્યે એર ઈન્ડિયા અને ઈન્ડિગોના બે વિમાનો એક જ રનવે પર સામસામે આવી જતાં મોટી દુર્ઘટના ટળી હતી. પ્રાથમિક અહેવાલ મુજબ, એર ઈન્ડિયાનું વિમાન ટેક્સીંગ દરમિયાન ખોટી દિશામાં વળી જતાં આ જોખમી સ્થિતિ સર્જાઈ હતી. જોકે, એર ટ્રાફિક કન્ટ્રોલ (ATC)ની સમયસરની સતર્કતાથી મોટી હોનારત અટકી ગઈ હતી. ઘટના બાદ એર ઈન્ડિયાના વિમાનને પરત પાર્કિંગમાં ખસેડાયું હતું. સત્તાધિકારીઓએ આ ગંભીર બેદરકારી અંગે તપાસ શરૂ કરી છે.