રેલવે સ્ટેશન પર ક્યારે ક્યારે થઈ છે ભાગદોડ? : કેટલા લોકો મોતને ભેટ્યા?

મહાકુંભ દરમિયાન નવી દિલ્લી રેલવે સ્ટેશન પર થયેલી ભાગદોડથી લોકોને દુઃખ થયું છે. આ ઘટનામાં ત્રણ બાળકો સહિત ઓછામાં ઓછા 15 લોકોના મોત થયા છે.
ત્યારે એ જાણવાનો પ્રયાસ કરીએ કે રેલવે સ્ટેશનો પર ભાગદોડ ક્યારે થઈ?

રેલવે સ્ટેશન પર ભાગદોડ
ગત શનિવારે મોડી રાત્રે નવી દિલ્લી રેલવે સ્ટેશન પર પ્રયાગરાજ જવા માટે પ્લેટફોર્મ 14,15 પર ભક્તોની ભીડ હતી. આ દરમિયાન ભાગદોડમાં 15 મુસાફરોના મોત થયા અને 10થી વધુ મુસાફરોની સારવાર ચાલી રહી છે. મૃતકોમાં 3 બાળકોનો સમાવેશ થાય છે.

રેલવે સ્ટેશનો પર ક્યારે ક્યારે થઈ ભાગદોડ?

28 સપ્ટેમ્બર 2002ના રોજ લખનઉમાં રાજકીય પક્ષ BSPની રેલીમાં હજારો કાર્યકર્તાઓ પહોંચ્યા હતા. તે જ સમયે, કામદારો ઘરે પરત ફરી રહ્યા હોવાથી સ્ટેશન પર ભીડ વધી ગઈ હતી. આ દરમિયાન કેટલાક મુસાફરો ટ્રેનની છત પર ચડી ગયા હતા. જોકે, ટ્રેનની છત પર સવાર ચાર મુસાફરોને વીજ કરંટ લાગ્યો હતો. ત્યારબાદ થયેલી ભાગદોડમાં અન્ય કેટલાક લોકો ઘાયલ થયા હતા.

13 નવેમ્બર, 2004ના રોજ નવી દિલ્લી સ્ટેશન પર છઠ પૂજા દરમિયાન બિહાર જતી ટ્રેનનું પ્લેટફોર્મ અચાનક બદલાઈ ગયું હતું. આ દરમિયાન મુસાફરોને બીજા પ્લેટફોર્મ પર જવા માટે ઓવરબ્રિજ પર ભાગદોડ મચી ગઈ હતી. આ ઘટનામાં ચાર લોકોના મોત થયા હતા અને અન્ય 10 લોકો ઘાયલ થયા હતા.

3 ઓક્ટોબર, 2007ના રોજ મુઘલ સરાય જંક્શન પર ભાગદોડ થઈ હતી. તે દિવસે જ્યુટિયા ઉપવાસને કારણે વારાણસીમાં ગંગામાં સ્નાન કરીને મોટી સંખ્યામાં મુસાફરો મુઘલ સરાય જંક્શન પર પહોંચ્યા હતા. ભાગદોડ દરમિયાન 14 મહિલાઓના મોત થયા હતા અને 40થી વધુ મુસાફરો ઘાયલ થયા હતા.

10 ફેબ્રુઆરી, 2013ના રોજ અલ્હાબાદમાં કુંભ મેળા દરમિયાન રેલવે જંક્શન પર ભાગદોડમાં 38 લોકો માર્યા ગયા હતા અને 50 અન્ય ઘાયલ થયા હતા.

29 સપ્ટેમ્બર, 2017ના રોજ મુંબઈના એલ્ફિન્સ્ટન રોડ સ્ટેશન પર ફૂટ ઓવરબ્રિજ પર ભાગદોડમાં 22 લોકોના મોત થયા હતા. હવે

27 ઓક્ટોબર, 2024ના રોજ મહારાષ્ટ્રના મુંબઈમાં બાંદ્રા રેલવે સ્ટેશન પર ભાગદોડ મચી ગઈ હતી. આવી સ્થિતિ ત્યારે સર્જાઈ જ્યારે દિવાળી અને છઠ પર ઘરે જનારા લોકોની ભીડ વધી ગઈ. આ ઘટનામાં 9 લોકોના મોત થયા છે.