Aman Rao Double Century: રાજકોટમાં રમાયેલી વિજય હજારે ટ્રોફી 2025-26 ની મેચમાં હૈદરાબાદના યુવા ઓપનર અમન રાવે બંગાળ સામે અણનમ 200 રનની ધમાકેદાર ઇનિંગ રમીને બધાને આશ્ચર્યચકિત કરી દીધા. આ તેમની લિસ્ટ એ કારકિર્દીની માત્ર ત્રીજી મેચ હતી, જેમાં તેમણે આ પ્રકારનો વિક્રમ સ્થાપિત કર્યો.
અમન રાવ: લિસ્ટ એ ક્રિકેટમાં પ્રથમ ડબલ સેન્ચુરી
21 વર્ષીય અમન રાવે બંગાળ સામેની મેચમાં છેલ્લા બોલ પર છગ્ગો મારીને પોતાની સદીને ડબલ સેન્ચુરીમાં કન્વર્ટ કરી હતી. તેમણે 154 બોલમાં અણનમ 200 રન બનાવ્યા, જેમાં 12 ચોક્કા અને 13 છગ્ગા સામેલ હતા. આ ઇનિંગના કારણે હૈદરાબાદે 50 ઓવરમાં 352/5 નો મોટો સ્કોર ઊભો કર્યો. આ તેમનું લિસ્ટ એમાં પ્રથમ શતક અને ડબલ શતક બંને હતું, જે તેમણે માત્ર ત્રીજી મેચમાં જ કરી દેખાડ્યું.
અમન રાવની હૈદરાબાદ માટે ઐતિહાસિક ડબલ સેન્ચુરી
હૈદરાબાદના બેટ્સમેન અમન રાવે લિસ્ટ એ ક્રિકેટમાં પોતાની પ્રથમ ડબલ સેન્ચુરી ફટકારી છે. બંગાળ સામેની મેચમાં છેલ્લા બોલ પર છગ્ગો મારીને તેમણે આ સિદ્ધિ હાંસલ કરી. અમન રાવે 154 બોલમાં 200 રન પૂરા કર્યા અને અણનમ રહ્યા. આ તેમની લિસ્ટ એ કારકિર્દીની શરૂઆત છે – આ વર્ષે જ તેમણે લિસ્ટ એમાં ડેબ્યૂ કર્યું હતું. પ્રથમ મેચ બરોડા સામે અને આ ત્રીજી મેચમાં જ ડબલ સેન્ચુરી ફટકારીને તેમણે પોતાની બેટિંગની ક્ષમતા સાબિત કરી દીધી.
અમ રાવે બંગાળના બોલરોનો હાંફાવ્યા
મોહમ્મદ શમી, મુકેશ કુમાર અને આકાશ દીપ જેવી મજબૂત બોલિંગ લાઇનઅપવાળી બંગાળની ટીમ સામે અમન રાવે 154 બોલમાં અણનમ 200 રન બનાવ્યા. તેમની ઇનિંગમાં ચોક્કા કરતાં વધુ છગ્ગા હતા – 13 છગ્ગા અને 12 ચોક્કા. આ ડબલ સેન્ચુરીનું મહત્ત્વ વધુ એટલા માટે છે કે તેમણે 200 માંથી 120 રન માત્ર શમી, મુકેશ અને આકાશ દીપની બોલિંગ સામે બનાવ્યા. આ ત્રણેય ભારતીય ઝડપી બોલરોને અમને ખૂબ જ સરળતાથી રમ્યા અને તેમના પર હાવી રહ્યા.
છેલ્લા બોલ પર છગ્ગો મારીને પૂરી કરી ડબલ સેન્ચુરી
અમન રાવનું ડબલ સેન્ચુરી ખૂબ જ કલાઈમેક્સ સાથે પૂરી થઈ. હૈદરાબાદની ઇનિંગની છેલ્લા બોલ બાકી હતો. આકાશ દીપના હાથમાં બોલ હતો અને અમન રાવ 194 રન પર સ્ટ્રાઇક પર હતા. ડબલ સેન્ચુરી માટે ચોક્કો નહીં પણ છગ્ગાની જરૂર હતી. અમને હિંમત બતાવીને આકાશ દીપની છેલ્લા બોલ પર મોટો છગ્ગો માર્યો અને પોતાની ડબલ સેન્ચુરી પૂરી કરી. આ દૃશ્ય ખૂબ જ રોમાંચક હતું અને મેદાન પર હાજર ચાહકોએ તાળીઓના ગડગડાટથી તેમનું સ્વાગત કર્યું.
વિજય હજારે ટ્રોફીની આ સિઝનમાં બીજી વખત બની આ ઘટના
અમન રાવના બેટમાંથી આવેલું ડબલ સેન્ચુરી વિજય હજારે ટ્રોફીની વર્તમાન સિઝનમાં કોઇ બેટ્સમેનનું બીજું ડબલ સેન્ચુરી છે. આ પહેલાં ઓડિશાના સ્વસ્તિક સમલે પણ આ સિઝનમાં ડબલ સેન્ચુરી ફટકારી હતી. અમનની આ સિદ્ધિએ આ સિઝનને વધુ રોમાંચક બનાવી દીધી છે.
અમન રાવ IPLમાં RR સાથે રમશે
અમન રાવની લિસ્ટ એ કારકિર્દીની વાત કરીએ તો આ પહેલાંની બે મેચમાં તેમના માત્ર ૫૨ રન હતા. પરંતુ બંગાળ સામેના ડબલ સેન્ચુરી પછી હવે તેમના ત્રણ મેચમાં 252 રન થઈ ગયા છે. IPL 2026 માટે રાજસ્થાન રોયલ્સે અમન રાવને તેમના બેઝ પ્રાઇસ એટલે કે 30 લાખ રૂપિયામાં ખરીદ્યા છે. આ પર્ફોર્મન્સ પછી તેમની IPL કારકિર્દી વધુ ઉજ્જવળ લાગે છે.
