ચહલ-ધનશ્રીના છૂટાછેડા.. : હાઈકોર્ટના આદેશ પર ફેમિલી કોર્ટનો નિર્ણય

આખરે, ભારતીય ક્રિકેટર યુઝવેન્દ્ર 20 માર્ચે તેની પત્ની ધનશ્રી વર્માથી કાયદેસર રીતે અલગ થઈ ગયા. બોમ્બે હાઈકોર્ટની બાંદ્રા ફેમિલી કોર્ટે દંપતીની છૂટાછેડાની અરજી મંજૂર કરી. છૂટાછેડા પછી વકીલ નીતિન ગુપ્તા મીડિયા સમક્ષ આવ્યા અને જણાવ્યું કે કેવી રીતે પરસ્પર સહમતિથી દંપતીએ છૂટાછેડા લીધા.

જસ્ટિસ માધવ જામદારની સિંગલ બેન્ચે ગુરુવારે છૂટાછેડાની અરજી મંજૂર કરી હતી. આના બદલામાં ભારતીય ક્રિકેટર ધનશ્રી વર્માને 4.75 કરોડ રૂપિયાનું એલિમોની આપશે. અહેવાલો અનુસાર, યુઝવેન્દ્ર ચહલ પહેલેથી જ 2.37 કરોડ રૂપિયા આપી ચૂક્યા છે. કોર્ટે દંપતીનો છ મહિનાનો કુલિંગ ઓફ પિરિયડ માફ કર્યો હતો. આ તે સમય છે જ્યારે, છૂટાછેડાની અરજી પછી, અદાલતે દંપતીને સાથે રહેવા અને તેમની ફરિયાદો ઉકેલવાની બીજી તક આપે છે.

તમે જાણતા જ હશો કે યુઝવેન્દ્ર ચહલ અને ધનશ્રી વર્મા કોરોના વાયરસના વધતા પ્રકોપ વચ્ચે લોકડાઉન દરમિયાન નજીક આવ્યા હતા. ધનશ્રી વર્મા તે સમયે કોરિયોગ્રાફર હતી, તેથી ચહલ તેની પાસેથી ઓનલાઈન ડાન્સ ક્લાસ લેતી વખતે પ્રેમમાં પડી ગયો. ડિસેમ્બર 2020 માં, બંનેએ ખૂબ જ નજીકના મહેમાનોની વચ્ચે લગ્ન કર્યા. પરંતુ થોડા સમય પછી વિવાદ શરૂ થયો. બંને જૂન 2022થી અલગ રહેવા લાગ્યા હતા.