Xiaomi : સ્માર્ટફોન માર્કેટમાં Xiaomi હંમેશા કંઈક નવું અને ક્રાંતિકારી લાવવા માટે જાણીતું છે. હાલમાં ટેક વર્લ્ડમાં સૌથી વધુ ચર્ચા Xiaomi 17 Max ની થઈ રહી છે. આ સ્માર્ટફોન કંપનીની ફ્લેગશિપ સિરીઝનું અંતિમ અને સૌથી પાવરફૂલ એડિશન હોવાનું મનાય છે. લીક થયેલી વિગતો મુજબ, કંપની આ ફોનમાં અત્યાર સુધીની સૌથી મોટી બેટરી અને સુપર-ફાસ્ટ ચાર્જિંગ ટેકનોલોજી આપવા જઈ રહી છે. જો તમે પણ એક પાવરફુલ બેકઅપ ધરાવતા ફોનની રાહ જોઈ રહ્યા છો, તો આ સમાચાર તમારા માટે છે.
સર્ટિફિકેશન અને મોડેલ નંબરની વિગત
Xiaomi 17 Max લોન્ચિંગ પહેલા જ વિવિધ સર્ટિફિકેશન વેબસાઇટ્સ પર જોવા મળ્યો છે. ચીનની વેબસાઇટ પર આ ફોનને મોડલ નંબર 2605EPN8EC સાથે લિસ્ટ કરવામાં આવ્યો છે. આ જ મોડલ નંબર અગાઉ SRRC સર્ટિફિકેશનમાં પણ દેખાયો હતો. આ સર્ટિફિકેશન સૂચવે છે કે ફોનનું ટેસ્ટિંગ પૂર્ણ થઈ ગયું છે અને તે ટૂંક સમયમાં ગ્લોબલ માર્કેટમાં એન્ટ્રી કરવા માટે તૈયાર છે.
બેટરી અને ચાર્જિંગની ક્ષમતા
આ સ્માર્ટફોનનું સૌથી આકર્ષક પાસું તેની બેટરી લાઇફ છે. સામાન્ય રીતે પ્રીમિયમ ફોનમાં 5000mAh સુધીની બેટરી જોવા મળતી હોય છે, પરંતુ Xiaomi 17 Max માં 8000mAh ની વિશાળ બેટરી હોવાના અહેવાલ છે. આટલી જંગી બેટરી હોવા છતાં ફોન લાંબો સમય ચાર્જિંગમાં ન રહે તે માટે કંપનીએ 100W ફાસ્ટ ચાર્જિંગનો સપોર્ટ આપ્યો છે. આ કોમ્બિનેશન યુઝર્સને બે દિવસ સુધીનો આરામદાયક બેટરી બેકઅપ અને મિનિટોમાં ફૂલ ચાર્જિંગની સુવિધા આપશે.
ડિસ્પ્લે અને વિઝ્યુઅલ એક્સપિરિયન્સ
સ્ક્રીનની વાત કરીએ તો, Xiaomi 17 Max માં 6.9 ઇંચની વિશાળ OLED ડિસ્પ્લે આપવામાં આવી શકે છે. જે યુઝર્સને સિનેમેટિક એક્સપિરિયન્સ કરાવશે. આ ડિસ્પ્લેમાં 1.5K રિઝોલ્યુશન અને 144Hz નો રિફ્રેશ રેટ હોવાની શક્યતા છે. આનો અર્થ એ થયો કે ભલે તમે હાઇ-ગ્રાફિક્સ ગેમ રમો કે 4K વીડિયો જુઓ, તમને જરાય લેગ જોવા નહીં મળે અને કલર ક્વોલિટી પણ ખૂબ જ શાનદાર રહેશે.
પાવરફુલ પ્રોસેસર અને ચિપસેટ
પરફોર્મન્સની બાબતમાં આ ફોન કોઈ પણ લેપટોપને ટક્કર આપી શકે તેવો હશે. રિપોર્ટ્સ મુજબ, આમાં ક્વોલકોમનું લેટેસ્ટ Snapdragon 8 Elite Gen 5 ચિપસેટ વપરાયું છે. આ ચિપસેટ તેની ઝડપ અને પાવર એફિશિયન્સી માટે જાણીતું છે. હેવી મલ્ટીટાસ્કિંગ હોય કે પ્રોફેશનલ વીડિયો એડિટિંગ, આ ફોન દરેક કામ ખૂબ જ સરળતાથી કરી શકશે.
રેમ અને સ્ટોરેજ વેરિએન્ટ
Xiaomi આ મોડલને માત્ર પાવરફુલ જ નહીં પણ સ્પેસની બાબતમાં પણ મોટું બનાવી રહ્યું છે. આમાં 16GB ની LPDDR5x RAM મળી શકે છે, જે ફોનને સુપર સ્મૂધ બનાવશે. જ્યારે સ્ટોરેજની વાત કરીએ તો, આમાં 1TB સુધીનું UFS 4.1 સ્ટોરેજ મળવાની પૂરી શક્યતા છે. એટલે કે તમારે ફોટા કે વીડિયો ડિલીટ કરવાની ચિંતા ક્યારેય નહીં રહે.
લોન્ચિંગ અને ઉપલબ્ધતા
જોકે શાઓમીએ હજુ સુધી સત્તાવાર રીતે ફોનના લોન્ચિંગની તારીખ જાહેર કરી નથી, પરંતુ ટેક નિષ્ણાતોનું માનવું છે કે આ ફોન આ મહિનાના અંત સુધીમાં ચીનમાં લોન્ચ થઈ શકે છે અને ત્યારબાદ ટૂંક સમયમાં ભારતીય બજારમાં જોવા મળશે. કંપની આ ફોનને તેની સિરીઝના અંતિમ એડિશન તરીકે રજૂ કરીને માર્કેટમાં મોટી અસર ઊભી કરવા માંગે છે.
