Womens Premier League 2025: મહિલા પ્રીમિયર લીગમાં રવિવારે યુપી વોરિયર્સનો સામનો ગુજરાત જાયન્ટ્સ સાથે થયો હતો. ગુજરાતે આ સિઝનમાં પોતાની પહેલી જીત નોંધાવી છે. તેઓએ યુપીને 6 વિકેટથી હરાવ્યું છે. ગુજરાતને પહેલી મેચમાં હારનો સામનો કરવો પડ્યો હતો.
યુપી વોરિયર્સ જીત્યું
144 રનના લક્ષ્યાંકનો પીછો કરવા ઉતરેલી ગુજરાતની શરૂઆત સારી રહી ન હતી. ટીમની પહેલી વિકેટ માત્ર 1 રનમાં પડી ગઈ. બેથ મૂની ખાતું ખોલાવ્યા વિના આઉટ થઈ ગઈ. તેના આઉટ થયા પછી હેમલતા પણ ખાતું ખોલાવ્યા વિના આઉટ થઈ ગઈ. બે વિકેટ પડ્યા પછી લૌરા વોલ્વાર્ડ અને એશલે ગાર્ડનરે ઇનિંગ્સની કમાન સંભાળી. બંનેએ 55 રનની ભાગીદારી કરી. લૌરા વોલ્વાર્ડ 22 રન બનાવીને આઉટ થઈ ગઈ.
જ્યારે, કેપ્ટન એશ્લે ગાર્ડનરે પોતાની અડધી સદી પૂર્ણ કરી. જોકે તે ફિફ્ટી ફટકાર્યા પછી આઉટ થઈ ગઈ. તેણે 32 બોલમાં 52 રનની ઇનિંગ રમી. તેના આઉટ થયા પછી હારલીન અને ડાયાંડ્રાએ ઇનિંગ્સની કમાન સંભાળી. બંનેએ ટીમને વિજય તરફ આગળ ધપાવી. બંનેએ 58 રનની ભાગીદારી કરી. આ દરમિયાન હાર્લીને 34 અને ડિઆન્ડ્રા ડોટિને 33 રન બનાવ્યા.
પ્રિયા મિશ્રાએ પોતાની શક્તિનો પરિચય દેખાડ્યો
પ્રથમ બેટિંગ કરતા યુપી વોરિયર્સની ટીમ કંઈ ખાસ કરી શકી નહીં. પ્રથમ બેટિંગ કરતા યુપી વોરિયર્સની ટીમ નવ વિકેટે માત્ર 143 રન જ બનાવી શકી હતી. આ મેચમાં યુવા સ્પિનર પ્રિયા મિશ્રાએ શાનદાર બોલિંગ કરી. તેણે ચાર ઓવરમાં 25 રન આપીને ત્રણ વિકેટ લીધી. કેપ્ટન એશ્લે ગાર્ડનરે 39 રન આપીને બે વિકેટ અને ડિએન્ડ્રા ડોટિને 34 રન આપીને બે વિકેટ લીધી. આ દરમિયાન, કેશવી ગૌતમે એક વિકેટ મેળવી.
યુપી વોરિયર્સ માટે કેપ્ટન દીપ્તિ શર્મા (39), ઉમા છેત્રી (24) અને શ્વેતા સહરાવત (16) એ મહત્વપૂર્ણ યોગદાન આપ્યું. આ ઉપરાંત, અલાના કિંગ (19) અને સાયમા ઠાકોર (15) એ અંતિમ ઓવરમાં ઝડપી રન બનાવીને ટીમને 140 રનની પાર પહોંચાડી દીધી.
સતત પાંચમી વખત જીત્યું ગુજરાત: હૈદરાબાદ 86 રનમાં સમેટાયું
