સિનેમા જગતનો સૌથી મોટો આર્થિક ફટકો
ફિલ્મ ઉદ્યોગમાં ઘણીવાર મોટી ફિલ્મો બોક્સ ઓફિસ પર નિષ્ફળ જતી હોય છે, પરંતુ તાજેતરમાં એક એવી ફિલ્મની ચર્ચા થઈ રહી છે જેણે ફ્લોપ થવાના તમામ રેકોર્ડ તોડી નાખ્યા છે. આ ફિલ્મે નિર્માતાઓને એવો આર્થિક ફટકો આપ્યો છે કે તેને દુનિયાની સૌથી મોટી ફ્લોપ ફિલ્મ માનવામાં આવી રહી છે. અહેવાલો મુજબ, આ ફિલ્મનું બજેટ 1400 કરોડ રૂપિયા (અંદાજે 172 મિલિયન ડોલર) હતું, પરંતુ તેની કમાણી જાણીને તમને આંચકો લાગશે.
માત્ર 6 કરોડની કમાણી અને કરોડોનું નુકસાન
અમેરિકન સાયન્સ ફિક્શન એનિમેટેડ એડવેન્ચર ફિલ્મ 'સ્ટ્રેન્જ વર્લ્ડ' (Strange World) ને લઈને આ આંકડા સામે આવ્યા છે. આ ફિલ્મ બનાવવા માટે ડિઝનીએ પાણીની જેમ પૈસા વહાવ્યા હતા, પરંતુ બોક્સ ઓફિસ પર તે માત્ર 6 કરોડ રૂપિયાની આસપાસ જ સમેટાઈ ગઈ હતી. આ સાથે જ ફિલ્મને આશરે 99.6% જેટલું અધધ નુકસાન વેઠવાનો વારો આવ્યો છે. રિપોર્ટ્સ મુજબ, આ ફિલ્મને કારણે સ્ટુડિયોને કુલ 1600 કરોડથી વધુનું નુકસાન થયું હોવાનું મનાય છે.
શા માટે ફિલ્મ આટલી ખરાબ રીતે નિષ્ફળ ગઈ?
ફિલ્મની નિષ્ફળતા પાછળ અનેક કારણો જવાબદાર હોવાનું નિષ્ણાતો માની રહ્યા છે. નબળું માર્કેટિંગ, વાર્તામાં રહેલી અસ્પષ્ટતા અને પ્રેક્ષકો સાથે કનેક્ટ ન થઈ શકવાને કારણે આ ફિલ્મ સિનેમાઘરોમાં પ્રેક્ષકોને આકર્ષવામાં નિષ્ફળ રહી. એનિમેશન ક્વોલિટી સારી હોવા છતાં, દર્શકોએ આ ફિલ્મને નકારી દીધી હતી, જેના પરિણામે ડિઝનીને તેના ઇતિહાસનું સૌથી મોટું આર્થિક નુકસાન સહન કરવું પડ્યું.
