Tata Punch and Maruti Fronx : આજના સમયમાં કોમ્પેક્ટ SUV નો ક્રેઝ ઘણો વધી ગયો છે, અને જ્યારે વાત 'Turbo' એન્જિનની હોય ત્યારે ગ્રાહકોમાં ભારે ઉત્તેજના જોવા મળે છે. ભારતીય બજારમાં Tata Punch Turbo અને Maruti Suzuki Fronx Turbo બંને પોતપોતાની રીતે લોકપ્રિય છે. જો તમે પણ મુંઝવણમાં છો કે, આ બેમાંથી કઈ કાર ખરીદવી, તો આ લેખ તમને સાચો નિર્ણય લેવામાં મદદ કરશે.
કિંમતમાં કેટલો તફાવત છે?
કોઈપણ કાર ખરીદતી વખતે બજેટ સૌથી મહત્વનું હોય છે. Tata Punch તેના બેઝ મોડલથી જ ઘણી સસ્તી છે. Tata Punch ના Turbo વેરિઅન્ટ્સની કિંમત અંદાજે ₹8.29 લાખથી ₹9.79 લાખ સુધી જાય છે. બીજી તરફ, Maruti Suzuki Fronx ના Turbo (બૂસ્ટરજેટ) વેરિઅન્ટ્સની શરૂઆત જ લગભગ ₹8.91 લાખથી થાય છે. એટલે કે, Punch Turbo તમને Fronx કરતા આશરે 1 થી 1.30 લાખ રૂપિયા સસ્તી પડી શકે છે.
એન્જિન અને પાવર
જો તમને ડ્રાઇવિંગમાં પાવર અને સ્પીડ ગમે છે, તો અહીં Tata Punch Turbo બાજી મારી જાય છે.
Tata Punch Turbo : તેમાં 1.2-લિટરનું ટર્બો એન્જિન છે, જે 120PS પાવર અને 170Nm ટોર્ક જનરેટ કરે છે.
Maruti Fronx Turbo : તેમાં 1.0-લિટરનું બૂસ્ટરજેટ એન્જિન છે, જે 100PS પાવર અને 148Nm ટોર્ક આપે છે. સ્પષ્ટ છે કે Punch Turbo વધુ પાવરફુલ છે અને હાઇવે પર તેનું પરફોર્મન્સ વધુ સારું રહે છે.
માઇલેજમાં કોણ આગળ?
ભારતીય ગ્રાહકો માટે 'એવરેજ' બહુ મોટું ફેક્ટર છે. અહીં મારુતિ સુઝુકી હંમેશાની જેમ આગળ છે.
Maruti Fronx Turbo : મેન્યુઅલમાં 21.5kmpl અને ઓટોમેટિકમાં 20kmpl સુધીની શાનદાર માઇલેજ આપે છે.
Tata Punch Turbo : તેની માઇલેજ અંદાજે 15 થી 18kmpl ની વચ્ચે રહેવાની શક્યતા છે. જો તમારું રનિંગ શહેરમાં વધારે છે અને તમે તેલનો ખર્ચ બચાવવા માંગો છો, તો Fronx એક ઉત્તમ વિકલ્પ છે.
ફીચર્સ અને ટેકનોલોજી
બંને કાર આધુનિક ફીચર્સથી સજ્જ છે:
ટાટા પંચ : 10.25-ઇંચની ટચસ્ક્રીન, 360-ડિગ્રી કેમેરા અને વાયરલેસ ચાર્જિંગ જેવા ફીચર્સ મળે છે.
મારુતિ ફ્રોન્ક્સ : હેડ-અપ ડિસ્પ્લે (HUD), ક્રુઝ કંટ્રોલ અને પ્રીમિયમ મ્યુઝિક સિસ્ટમ જેવા પ્રીમિયમ ફીચર્સ મળે છે.
સેફ્ટી : ફેમિલી માટે કઈ સુરક્ષિત?
સલામતીના મામલે ટાટા મોટર્સનો કોઈ મુકાબલો નથી. Tata Punch ને Bharat NCAP તરફથી 5-સ્ટાર રેટિંગ મળેલું છે, જે તેને ભારતની સૌથી સુરક્ષિત નાની SUV માંની એક બનાવે છે. મારુતિ ફ્રોન્ક્સમાં પણ સારા સેફ્ટી ફીચર્સ છે, પરંતુ રેટિંગની દ્રષ્ટિએ ટાટા પંચ વધુ ભરોસાપાત્ર લાગે છે.
તમારે કઈ ખરીદવી જોઈએ?
જો તમને વધુ પાવર, 5-સ્ટાર સેફ્ટી અને ઓછી કિંમત જોઈએ છે, તો Tata Punch Turbo તમારા માટે બેસ્ટ છે. જો તમને વધુ માઇલેજ, સ્મૂધ ડ્રાઇવિંગ અને મારુતિનો સર્વિસ નેટવર્ક જોઈએ છે, તો Maruti Fronx Turbo પસંદ કરો.
