The compact SUV segment is becoming increasingly popular in India: કોમ્પેક્ટ SUV સેગમેન્ટ ભારતમાં વધુને વધુ લોકપ્રિય બની રહ્યું છે અને તેથી જ કંપનીઓ સતત નવા અને અપડેટેડ મોડલ લોન્ચ કરી રહી છે. Kia Seltos, Tata Sierra અને MG Hector ના ફેસલિફ્ટ પછી, હવે Skoda એ તેની SUV Kushaq નું ફેસલિફ્ટ વર્ઝન પણ રજૂ કર્યું છે. આ કાર ઘણા મુજબૂત રાઇવલ્સ સાથે સીધું કોમ્પિટિશન કરશે, પરંતુ સૌથી મોટો પડકાર તે સેગમેન્ટની લીડર Hyundai Creta તરફથી આવશે. બંને કાર પોતપોતાના ફીચર્સ અને પરફોર્મન્સ માટે જાણીતી છે, તો જાણો Hyundai Creta અને Skoda Kushaq ના ફિચર્સ, કિંમત અને એન્જિનના તફાવત વિશેની માહિતી.
એન્જિન અને ટ્રાન્સમિશન વચ્ચે શું તફાવત?
કંપનીએ Skoda Kushaq Facelift માં એન્જિનમાં કોઈ મોટો ફેરફાર કર્યો નથી. પહેલાની જેમ, તેમાં 1.0 લિટર TSI અને 1.5 લિટર TSI પેટ્રોલ એન્જિન છે. આ એન્જિન સારી પાવર અને સ્મૂધ ડ્રાઇવિંગ એક્સપિરિયન્સ આપે છે. જે લોકો ઓટોમેટિક કાર પસંદ કરે છે, તેમના માટે 8-સ્પીડ ટોર્ક કન્વર્ટર અને 7-સ્પીડ DSG ગિયરબોક્સનો ઓપ્શન પણ ઉપલબ્ધ છે. જ્યારે Hyundai Creta એન્જિનમાં વધુ ઓપ્શન મળે છે. તેમાં પેટ્રોલ અને ડીઝલ બંને એન્જિન ઉપલબ્ધ છે, ટર્બો પેટ્રોલનો ઓપ્શન પણ છે. Hyundai Creta પાસે વધુ ટ્રાન્સમિશન ઓપ્શન પણ છે, જેથી ગ્રાહકો તેમની જરૂરિયાત મુજબ કાર પસંદ કરી શકે.
ફીચર્સ અને ટેકનોલોજી
ફીચર્સની વાત કરીએ તો Skoda Kushaq Facelift એકદમ મોર્ડન બની ગઈ છે. તે સેગમેન્ટમાં પ્રથમ વખત પેનોરેમિક સનરૂફ, મોટી ડિજિટલ કોકપિટ, વેન્ટિલેટેડ સીટો અને પાછળની સીટ મસાજર જેવા ફીચર્સ ધરાવે છે. તેનું ઈન્ટીરીયર સ્પોર્ટી અને પ્રીમિયમ ફીલ આપે છે. Hyundai Creta ફિચર્સના મામલે પહેલાથી જ મજબૂત રહી છે. તેમાં લેવલ 2 ADAS, ડ્યુઅલ-ઝોન ક્લાઈમેટ કંટ્રોલ, વાયરલેસ એન્ડ્રોઈડ ઓટો અને Apple CarPlay જેવા એડવાન્સ ફીચર્સ છે, જે તેને ટેક્નોલોજીના સંદર્ભમાં થોડી આગળ રાખે છે.
કિંમત અને કઈ SUV સારી છે
Skoda Kushaq Faceliftની શરૂઆતની કિંમત લગભગ ₹10.99 લાખ હોઈ શકે છે, જ્યારે Hyundai Creta ની કિંમત ₹10.79 લાખથી શરૂ થાય છે. જો તમે વધુ સારી રીતે ડ્રાઇવિંગ અને સ્પોર્ટી ફીલ ઈચ્છો છો, તો Skoda Kushaq Facelift એક સારો ઓપ્શન છે, પરંતુ જો તમને વધુ ફીચર્સ અને એન્જિન ઓપ્શન જોઈતા હોય તો Hyundai Creta વેલ્યુ-ફોર-મની છે. કાર ખરીદવાનો નિર્ણય તમારા બજેટ અને ચોઇસ પર આધાર રાખે છે. બંને કાર પોતપોતાની જગ્યાએ શાનદાર છે.
