1 August 2025 New Rule Changes: નવો મહિનો શરૂ થાય છે, ત્યારે ઘણા નિયમો બદલાય છે. હવે જનતાએ ઓગસ્ટ મહિનામાં પણ કેટલાક ફેરફારો માટે તૈયાર રહેવું જોઈએ. UPI, ક્રેડિટ કાર્ડ અને LPG સિલિન્ડરના ભાવ 1લી તારીખથી બદલાઈ શકે છે.
1 August 2025 New Rule Changes: ઓગસ્ટ મહિનામાં ફરીથી કેટલાક નિયમોમાં ફેરફાર કરવામાં આવશે. આ ફેરફારો સ્વાભાવિક રીતે સામાન્ય માણસના ખિસ્સા પર અસર કરશે. ઘણા ફેરફારો છે જે જનતાને રાહત આપે છે, જ્યારે ઘણા ખર્ચમાં પણ વધારો કરે છે. આમાં LPG ની કિંમતથી લઈને UPI ચુકવણી અને ક્રેડિટ કાર્ડના નિયમોમાં ફેરફાર થઈ શકે છે. આ સમય દરમિયાન પેટ્રોલ અને ડીઝલના ભાવમાં પણ ફેરફાર જોવા મળશે. જાણો આ ફેરફારો સામાન્ય માણસ પર શું અસર કરશે?
UPI માં શું થશે ફેરફાર?
સૌથી પહેલો ફેરફાર નેશનલ પેમેન્ટ કોર્પોરેશન ઓફ ઈન્ડિયા (UPI) માં થશે. આમાં યૂઝર્સ દિવસમાં ફક્ત 50 વખત જ પોતાનું બેલેન્સ ચેક કરી શકશે. જે લોકો એક સાથે પોતાના ફોન પર ઘણી એપ્સનો ઉપયોગ કરે છે તેઓ હવે દરેક એપ પર દરરોજ ફક્ત 50 વખત જ બેલેન્સ ચેક કરી શકશે. આ ફેરફાર એપની સેવા પર ભારણ ઘટાડવા માટે કરવામાં આવી રહ્યો છે.
ઓટો-પે ટ્રાન્ઝેક્શનમાં ફેરફાર
ઘણા લોકોએ SIP અને OTT સબ્સ્ક્રિપ્શન માટે ઓટો-ડેબિટ પેમેન્ટ પસંદ કર્યું છે. આમાં પણ ફેરફારો કરવામાં આવશે. હવે તેને ફક્ત ત્યારે જ રીસેટ કરી શકાય છે જ્યારે કોઈ પીક અવર્સ ન હોય. માહિતી અનુસાર પીક અવર્સનો સમય સવારે 10 થી બપોરે 1 વાગ્યા સુધી જણાવવામાં આવ્યો છે. આ પછી પીક અવર્સ સાંજે 5 થી રાત્રે 9:30 વાગ્યા સુધી રહેશે.
ક્રેડિટ કાર્ડના બદલાશે નિયમો
ઓગસ્ટ મહિનાથી મફત હવાઈ અકસ્માત વીમા કવર બંધ કરવાની જાહેરાત કરવામાં આવી છે. SBI એ કો-બ્રાન્ડેડ ક્રેડિટ કાર્ડ અંગે આ જાહેરાત કરી છે. આ ફેરફાર 1 ઓગસ્ટને બદલે 11 ઓગસ્ટથી કરવામાં આવશે. હાલમાં સ્ટેટ બેંક ઓફ ઈન્ડિયા ઘણી બેંકોના કાર્ડ પર 50 લાખ રૂપિયાથી લઈને 1 કરોડ રૂપિયા સુધીનું કવર પૂરું પાડી રહી છે.
LPGની કિંમતમાં થશે ફેરફાર
1 ઓગસ્ટથી LPG, CNG અને PNGના ભાવમાં ફેરફાર થશે, કારણ કે જુલાઈ મહિનામાં કોમર્શિયલ ગેસ સિલિન્ડરના ભાવમાં લગભગ 60 રૂપિયાનો ઘટાડો થયો હતો. આને ધ્યાનમાં રાખીને નવા મહિનામાં ફરી થોડો ઘટાડો જોવા મળે તેવી અપેક્ષા છે. આ ઉપરાંત, પેટ્રોલ અને ડીઝલના ભાવમાં પણ ફેરફાર જોવા મળી શકે છે.
