WI vs ZIM : T20 વર્લ્ડ કપ 2026 ની સુપર 8 મેચ વેસ્ટ ઈન્ડિઝ અને ઝિમ્બાબ્વે વચ્ચે મેચ છે. બંને ટીમો મુંબઈના વાનખેડે સ્ટેડિયમ ખાતે એકબીજાની સામે છે. ઝિમ્બાબ્વેએ ટોસ જીતીને વેસ્ટ ઈન્ડિઝને બેટિંગ આપી હતી. ઝિમ્બાબ્વે અને વેસ્ટ ઈન્ડિઝે તેમના પ્લેઈંગ ઈલેવનમાં એક-એક ફેરફાર કર્યો. ઝિમ્બાબ્વેએ વેલિંગ્ટન મસાકાડ્ઝાની જગ્યાએ રિચાર્ડ નગારાવાને લીધો. વેસ્ટ ઈન્ડિઝે રોસ્ટન ચેઝની જગ્યાએ રોમારિયો શેફર્ડને લીધો. સુપર 8 રાઉન્ડમાં વેસ્ટ ઈન્ડિઝ અને ઝિમ્બાબ્વે વચ્ચે આ પહેલી મેચ છે, જે ગ્રુપ 1નો ભાગ છે. બંને ટીમો ટુર્નામેન્ટમાં અત્યાર સુધી અજેય છે અને સોમવારે તેમનો વિજય ક્રમ ચાલુ રાખવાનો પ્રયાસ કરશે. બે વખતના ચેમ્પિયન વેસ્ટ ઈન્ડિઝે ઝિમ્બાબ્વેથી સાવચેત રહેવું પડશે, કારણ કે તેઓએ શરૂઆતના તબક્કામાં ઓસ્ટ્રેલિયા અને શ્રીલંકા જેવી ટીમોને હરાવી હતી. બંને ટીમોએ અત્યાર સુધીમાં ચાર T20 આંતરરાષ્ટ્રીય મેચ રમી છે, જેમાં વેસ્ટ ઈન્ડિઝે ત્રણ જીતી છે અને ઝિમ્બાબ્વેએ એક જીતી છે. આ મેચમાં સિમરન હેટમાયરએ ઝિમ્બાબ્વે સામે 19 બોલમાં ફટકાર્યા 53 રન ફટકારી તોફોની બેટિંગ કરી.
19 બોલમાં તોફાની અડધી સદી ફટકારી
હેટમાયરે 19 બોલમાં 53 રનમાં ફટકાર્યા હતા. તેણે 31 બોલમાં 78 રન બનાવ્યા હતા, જેમાં સાત ચોગ્ગા અને છ છગ્ગાનો સમાવેશ થાય છે. પોવેલ પણ તેના આક્રમક મોડમાં છે. તેણે 23 બોલમાં 32 રન બનાવ્યા છે. ટી20 આંતરરાષ્ટ્રીય ક્રિકેટમાં આ તેની દસમી અડધી સદી છે. શિમરોન હેટમાયરે 19 બોલમાં તોફાની અડધી સદી ફટકારી છે. તેણે સિકંદર રઝા દ્વારા ફેંકાયેલી આઠમી ઓવરમાં સતત ત્રણ છગ્ગા ફટકારીને પોતાની અડધી સદી પૂર્ણ કરી. તે T20 વર્લ્ડ કપમાં વેસ્ટ ઈન્ડિઝ માટે અડધી સદી ફટકારનાર સૌથી ઝડપી બેટ્સમેન બન્યો છે. વેસ્ટ ઈન્ડિઝે 10મી ઓવરમાં 100 રનનો આંકડો પાર કર્યો.
હોપે 12 બોલમાં 14 રન જ બનાવ્યા
વેસ્ટ ઈન્ડિઝને કેપ્ટન શાઈ હોપના રૂપમાં મોટો ફટકો પડ્યો હતો. છઠ્ઠી ઓવરના પાંચમા બોલ પર બ્રેડ ઇવાન્સ દ્વારા બ્રાયન બેનેટ દ્વારા તેનો કેચ થયો. બેનેટે બાઉન્ડ્રી પાસે શાનદાર કેચ પકડ્યો. હોપે 12 બોલમાં 14 રન બનાવ્યા, જેમાં બે ચોગ્ગાનો સમાવેશ થાય છે.
વેસ્ટ ઈન્ડિઝ માટે સૌથી ઝડપી અડધી સદીનો રેકોર્ડ
હેટમાયર ફક્ત 9 રન પર બેટિંગ કરી રહ્યો હતો, ત્યારે ઝિમ્બાબ્વેના ફિલ્ડર મુસેકિવાએ એક સરળ કેચ છોડ્યો. હેટમાયરએ આ જીવનદાનનો લાભ ઉઠાવ્યો અને માત્ર 19 બોલમાં પોતાની અડધી સદી પૂરી કરી. T20 વર્લ્ડ કપના ઇતિહાસમાં વેસ્ટ ઈન્ડિઝના ખેલાડી દ્વારા આ સૌથી ઝડપી અડધી સદી છે. તેણે તે જ ટુર્નામેન્ટમાં સ્કોટલેન્ડ સામે બનાવેલા 22 બોલનો પોતાનો જ રેકોર્ડ તોડ્યો છે.
