હૈદરાબાદ: સાઉથ સિનેમાનું સૌથી લોકપ્રિય કપલ વિજય દેવરકોંડા અને રશ્મિકા મંદાના ટૂંક સમયમાં લગ્નના બંધનમાં બંધાઈ શકે છે. ચર્ચાઓ છે કે લગ્ન બાદ વિજય તેની લેડી લવ રશ્મિકાને હૈદરાબાદના જુબલી હિલ્સ સ્થિત પોતાના 15 કરોડના આલીશાન બંગલામાં લાવશે. આ બંગલો માત્ર તેની કિંમત માટે જ નહીં, પણ તેની અદભૂત ડિઝાઇન, કાચની મોટી બારીઓ અને રોયલ ફર્નિચર માટે પણ જાણીતો છે. અત્યારે આ ઘરમાં વિજય તેના માતા-પિતા, ભાઈ અને લાડકા ડોગી 'સ્ટોર્મ' સાથે રહે છે. ચાલો કરીએ આ લક્ઝરી વિલાની વર્ચ્યુઅલ ટૂર.
ટોલિવૂડના 'અર્જુન રેડ્ડી' ઉર્ફે વિજય દેવરકોંડાનું ઘર હૈદરાબાદના સૌથી પોશ અને સુરક્ષિત વિસ્તાર જુબલી હિલ્સમાં આવેલું છે. અહીં વિજયના પડોશીઓમાં મહેશ બાબુ અને અલ્લુ અર્જુન જેવા દિગ્ગજ સિતારાઓનો સમાવેશ થાય છે. વિજયે આ પ્રોપર્ટી 2019માં ખરીદી હતી અને ત્યારથી તે સોશિયલ મીડિયા પર પોતાના ઘરની સુંદર તસવીરો શેર કરતો રહે છે.
બહારથી કેવો દેખાય છે વિજયનો બંગલો?
વિજયના ઘરનો એન્ટ્રન્સ ગેટ લાકડા અને કાચના મિશ્રણથી બનેલો છે, જે મોર્ડન અને ક્લાસિક લુક આપે છે. ઘરની બહાર મોટું આંગણું છે જ્યાં હરિયાળા છોડ અને રાત્રિના સમયે ઘરને રોશન કરવા માટે આકર્ષક કંદીલ લાઈટો લગાડવામાં આવી છે. આ ઘર જોતા જ શાંતિનો અનુભવ થાય છે.
લિવિંગ એરિયા: આર્ટ અને કમ્ફર્ટનો સંગમ
વિજય દેવરકોંડાના ઘરનો લિવિંગ એરિયા આર્ટ અને કમ્ફર્ટનો અદભૂત સંગમ છે. ઘરની અંદર પ્રવેશતા જ આલીશાન લિવિંગ એરિયા નજરે પડે છે, જ્યાં સફેદ રંગની દીવાલો અને તેના પર લગાવાયેલી હરણની સુંદર પેન્ટિંગ્સ આખા રૂમને એક રોયલ લુક આપે છે. અહીંની બેઠક વ્યવસ્થા પણ અત્યંત આકર્ષક છે; ગ્રે રંગની મખમલી ખુરશીઓ સાથે ગુલાબી કુશન્સનો ઉપયોગ કરવામાં આવ્યો છે જે લિવિંગ રૂમમાં એક શાનદાર કલર કોન્ટ્રાસ્ટ પૂરો પાડે છે.
રૂમની ડિઝાઇન એવી રીતે કરવામાં આવી છે કે તેમાં હંમેશા તાજગી જળવાઈ રહે, જેના માટે ખિડકીઓ પર સફેદ અને પીળા રંગના પડદા લગાડ્યા છે જે કુદરતી પ્રકાશને ઘરની અંદર લાવવામાં મદદ કરે છે. આ ઉપરાંત, લિવિંગ રૂમના એક ખાસ ભાગમાં મોટો રાઉન્ડ સોફા રાખવામાં આવ્યો છે. આ સોફાની બરોબર પાછળ કાચની મોટી બારીઓ છે, જે ઘરની સુંદરતામાં વધારો કરે છે અને ત્યાં બેઠા-બેઠા બહારના બગીચાની હરિયાળીનો મનમોહક નજારો સાફ જોઈ શકાય છે.
ઘરનો ક્રિએટિવ કોર્નર અને બાર એરિયા
વિજયના ઘરમાં આર્ટ પ્રત્યેનો પ્રેમ દરેક ખૂણે દેખાય છે. એક દીવાલ પર તેની પોતાની મોટી પેન્ટિંગ લાગેલી છે. ઘરના બાર એરિયાને ડાર્ક થીમ અને સ્ટાઇલિશ બેકલાઇટ સાથે ડિઝાઇન કરવામાં આવ્યો છે. અહીં બ્લુ કલરની ખુરશીઓ અને લાકડાનું ફ્લોરિંગ તેને કોઈ આલીશાન લાઉન્જ જેવો લુક આપે છે.
પરંપરા અને પૂજા સ્થળ
ભલે વિજયની લાઈફસ્ટાઈલ મોર્ડન હોય, પણ તેનું ઘર પરંપરાઓથી જોડાયેલું છે. તહેવારો દરમિયાન ઘરમાં મોટી રંગોળીઓ બનાવવામાં આવે છે અને પરંપરાગત વિધિથી પૂજા-હવન કરવામાં આવે છે. ઘરના લાકડાના દરવાજા પર આંબાના પાન અને ગલગોટાના ફૂલોના તોરણ લગાવીને આધ્યાત્મિક વાતાવરણ ઊભું કરવામાં આવે છે.
રૂફટોપ: મિત્રો સાથેની મહેફિલ માટે બેસ્ટ જગ્યા
આ ઘરમાં છત (Terrace) સૌથી સુંદર ભાગ છે. અહીં સફેદ અને ક્રીમ રંગના સોફા છે, જે નારંગી કુશન્સથી સજાવેલા છે. ચારેબાજુ હરિયાળી અને ખુલ્લી આકાશ નીચે આ જગ્યા રિલેક્સ થવા માટે ઉત્તમ છે.
