ઓસ્ટ્રેલિયા પહોંચતાની સાથે જ વિરાટ કોહલીએ કર્યું મોટું ટ્વિટ! : શું રિટાયરમેન્ટ અંગે ટ્વિટ કર્યું?

Virat Kohli 'X' Post Ahead of IND vs AUS ODI Series: વહેલી સવારે, ટીમ ઈન્ડિયાના ઓસ્ટ્રેલિયા પહોંચવાનો ફોટો આવ્યો અને તેની સાથે 'X' પર વિરાટ કોહલીનું એક ટ્વિટ આવ્યું, “The only time you truly fail, is when you decide to give up- એટલે કે, જ્યારે તમે ખરેખર નિષ્ફળ જાઓ છો, ત્યારે જ તમે છોડવાનું વિચારો છો."

"વિરાટનો ચેલેન્જ"

જે લોકો વિરાટને નજીકથી જાણે છે તેઓ પણ માને છે કે, વિરાટ પડકારોમાં પણ વધુ ચમકે છે. વિરાટ કોહલી અને રોહિત શર્મા ઓસ્ટ્રેલિયા સામેની ODI સીરિઝની ત્રણ મેચોમાં ભાગ લેશે. પણ વિરાટ કોહલી ત્યાં સંપૂર્ણપણે તૈયારી કરીને ગયો છે. જતા પહેલા, દિલ્હીમાં તેમનો હસતો ફોટો પણ બધા સમક્ષ બહાર આવ્યા હતા, જે દર્શાવે છે કે આગામી ODI સીરિઝમાં કઈક સારું પ્રદર્શન કરે તેવી આશા છે.

દિનેશ કાર્તિકે વિરાટ કોહલી અંગે શું કહ્યું?

તેના સાથી ખેલાડી દિનેશ કાર્તિકે પણ વિરાટ કોહલીના પક્ષમાં વાત કરી છે. પૂર્વ ભારતીય ક્રિકેટર દિનેશ કાર્તિકે કહ્યું,"વિરાટ કોહલી લંડનમાં આ સમય દરમિયાન ટ્રેનિંગ કરી રહ્યા હતા. અને હું એ પણ જાણું છું કે, તે અઠવાડિયામાં 2-3 વખત ક્રિકેટ પ્રેક્ટિસ કરે છે. આનો સ્પષ્ટ અર્થ એ છે કે, તે 2027 ક્રિકેટ વર્લ્ડ કપમાં રમવા માટે છે. અને, જો તે ટીમ સાથે છે, તો કોઈપણ પ્રકારનો ટેન્શન નથી."

પેટ કમિન્સનું નિવેદન

જે પણ ફેન્સ અથવા નિષ્ણાતો રોહિત શર્મા અને વિરાટ કોહલીની રિટાયરમેન્ટ વાત કરી રહ્યા છે, તેમના માટે વિરાટ કોહલીએ એક રીતે ચેતવણી પણ આપી છે. ઑસ્ટ્રેલિયા કેપ્ટન પૅટ કમિન્સ ઘાયલ થયા છે અને આ સીરીઝમાં ભાગ લઈ રહ્યો નથી. મિશેલ માર્શ પેટ કમિન્સની જગ્યાએ ટીમની કેપ્ટનસી કરશે. જોકે, સીરિઝ પહેલા પેટ કમિન્સના એક નિવેદને ફરી એકવાર ક્રિકેટ જગતમાં ચર્ચાનો વિષય બની ગયો છે. કમિન્સે કહ્યું છે કે, "વિરાટ કોહલી અને રોહિત શર્મા છેલ્લા 15 વર્ષોથી લગભગ દરેક ભારતીય ટીમનો ભાગ છે. તેથી ઓસ્ટ્રેલિયન દર્શકો માટે તેમને ઓસ્ટ્રેલિયામાં રમતા જોવાની આ 'છેલ્લી તક' હોઇ શકે છે. તેઓ (વિરાટ કોહલી અને રોહિત શર્મા) સ્પષ્ટપણે ભારત માટે રમતના ચેમ્પિયન ખેલાડી રહ્યા છે અને તેમના ચાહકો ખૂબ જ છે. જ્યારે પણ આપણે તેમની સાથે રમીએ છીએ, ભીડ તેમના વિશે પણ ખૂબ અવાજ કરે છે."

હરભજન સિંહની ભવિષ્યવાણી

આવી સ્થિતિમાં, વિરાટ કોહલીએ પોતાનો ઇરાદો સ્પષ્ટ કરી દીધો છે. હરભજન સિંહે એક બોલ્ડ જાહેરાત કરી છે કે, વિરાટ કોહલી આ સીરિઝ દરમિયાન ઓસ્ટ્રેલિયામાં બે સેંચુરી ફટકારી શકે છે. તેથી, ક્રિકેટ જગતે વિરાટ કોહલીને તેના જૂના ફોર્મમાં જોવા માટે તૈયાર રહેવું જોઈએ.