Vadodara Recruitment Fair : ગુજરાત સરકારના રોજગાર અને તાલીમ નિયામકની કચેરી, ગાંધીનગરના માર્ગદર્શન હેઠળ મદદનીશ નિયામક (રોજગાર)ની કચેરી, વડોદરા દ્વારા આગામી તા. 06/01/2026 ના રોજ એક ભવ્ય 'ક્લસ્ટર કક્ષાના રોજગાર અને એપ્રેંટિસ ભરતી મેળા'નું આયોજન કરવામાં આવ્યું છે. આ ભરતી મેળો વડોદરા સ્થિત તરસાલી આઈ.ટી.આઈ. કેમ્પસ ખાતે આવેલી મદદનીશ નિયામક (રોજગાર)ની કચેરી ખાતે સવારે 08:00 થી સાંજના 4:00 કલાક દરમિયાન યોજાશે.
એપ્રેંટિસ ભરતી
આ રોજગાર અને એપ્રેંટિસ ભરતી મેળામાં વડોદરા ઉપરાંત છોટાઉદેપુર, ખેડા અને આણંદ એમ કુલ ચાર જિલ્લાના ઉમેદવારો ભાગ લઈ શકશે. આ આયોજનમાં અંદાજે 50થી વધુ નામાંકિત નોકરીદાતાઓ (એમ્પ્લોયર્સ) ઉપસ્થિત રહીને આશરે 5 હજાર જેટલા યુવા ઉમેદવારોનું ઈન્ટરવ્યુ લેશે અને રોજગારી તેમજ એપ્રેંટિસશીપની તકો પૂરી પાડશે.
રોજગાર ઈચ્છુક સુવર્ણ તક
રોજગાર મેળવવા ઈચ્છુક ચારેય જિલ્લાના લાયક ઉમેદવારોને આ તકનો મહત્તમ લાભ લેવા મદદનીશ નિયામક (રોજગાર), વડોદરા દ્વારા જણાવવામાં આવ્યું છે.
