UPSC CMS Exam 2026: યુનિયન પબ્લિક સર્વિસ કમિશન (UPSC) દ્વારા સંયુક્ત તબીબી સેવાઓ પરીક્ષા (Combined Medical Services Examination - CMS) 2026 માટેની સત્તાવાર સૂચના જાહેર કરવામાં આવી છે. આ પરીક્ષા દ્વારા દેશભરમાં કેન્દ્ર સરકારના વિવિધ વિભાગો અને આરોગ્ય સેવાઓમાં 1,358થી વધુ મેડિકલ ઓફિસરની જગ્યાઓ ભરવામાં આવશે. આ એક શાનદાર તક છે MBBS ધરાવતા ઉમેદવારો માટે સરકારી ડૉક્ટર તરીકે કારકિર્દી શરૂ કરવાની!
મહત્વની તારીખો:
સૂચના જાહેર તારીખ: 11 માર્ચ, 2026
અરજી શરૂ: 11 માર્ચ, 2026
અરજીની અંતિમ તારીખ: 31 માર્ચ, 2026 (સાંજે 6:00 વાગ્યા સુધી)
પરીક્ષા તારીખ: 2 ઓગસ્ટ, 2026
ઉમેદવારોએ વિલંબ ન કરતા તાત્કાલિક અરજી કરવી જોઈએ. અરજી માત્ર ઓનલાઈન થશે.
અરજી કેવી રીતે કરવી?
ઉમેદવારોએ UPSCની સત્તાવાર વેબસાઈટ upsc.gov.in અથવા ઓનલાઈન અરજી પોર્ટલ upsconline.nic.in પર જઈને રજિસ્ટ્રેશન કરી અરજી ભરવી પડશે.
પાત્રતા (Eligibility):
માન્ય યુનિવર્સિટીમાંથી MBBS ડિગ્રી પાસ અથવા અંતિમ વર્ષમાં અભ્યાસ કરતા વિદ્યાર્થીઓ અરજી કરી શકે છે.
મહત્તમ વય મર્યાદા: 32 વર્ષ (1 ઓગસ્ટ, 2026 સુધીમાં). આરક્ષણ મુજબ છૂટછાટ લાગુ પડશે.
પરીક્ષાનું માળખું
પરીક્ષા બે તબક્કામાં યોજાશે:
લેખિત પરીક્ષા (Written Exam): કુલ 500 ગુણની (પેપર-1 અને પેપર-2).
વ્યક્તિત્વ પરીક્ષણ / ઇન્ટરવ્યુ (Personality Test): 100 ગુણનું.
અંતિમ પસંદગી લેખિત + વ્યક્તિત્વ પરીક્ષણના કુલ ગુણના આધારે થશે.
પદો અને ભરતી:
જનરલ ડ્યુટી મેડિકલ ઓફિસર (GDMO)
આસિસ્ટન્ટ ડિવિઝનલ મેડિકલ ઓફિસર (ADMO, Railways)
અન્ય તબીબી અધિકારી પદો કેન્દ્ર સરકારના આરોગ્ય વિભાગો, રેલ્વે, મ્યુનિસિપલ કોર્પોરેશન વગેરેમાં.
આ પરીક્ષા વાર્ષિક ધોરણે લેવામાં આવે છે અને તે સરકારી તબીબી સેવાઓમાં સ્થિર કારકિર્દી માટે ઉત્તમ તક આપે છે.જો તમે MBBS પૂર્ણ કર્યું હોય અથવા અંતિમ વર્ષમાં હોવ તો આ તક ગુમાવશો નહીં! તૈયારી તરત શરૂ કરો અને અરજી કરી લો.વધુ વિગતો માટે સત્તાવાર વેબસાઈટ upsc.gov.in ની મુલાકાત લો અને નોટિફિકેશન વાંચો.
