Uber Cab Booking Fair Controversy: આજના યુગમાં લોકોને કોઈ પણ સ્થળે જવું હોય તો કેબ અને બાઇક સર્વિસ ખૂબ જ લોકપ્રિય છે. ઉબેર, ઓલા, રેપિડો સહિતની ઘણી કંપનીઓ લોકોને ટ્રાન્સપોર્ટ સર્વિસ પૂરી પાડે છે. તમારા મોબાઈલમાં એપ ડાઉનલોડ કરો અને બાઇક, કાર, ઓટો કે અન્ય કંઈપણ બુક કરો અને મિનિટોમાં એક જગ્યાએથી બીજી જગ્યાએ પહોંચી જાઓ, પરંતુ આજકાલ આ સર્વિસને લઈને સોશિયલ મીડિયા પર ચર્ચા ચાલી રહી છે.
એક વ્યક્તિએ આઇફોન અને એન્ડ્રોઇડ ફોન પરથી ઉબેર કંપનીની કેબ બુકિંગનો સ્ક્રીનશોટ સોશિયલ મીડિયા પર પોસ્ટ કર્યો. આ સ્ક્રીનશોટ જોઈને યુઝર્સ ખૂબ જ આશ્ચર્યચકિત થઈ ગયા છે, કારણ કે બન્ને ફોન પરથી બુક કરાવવા પર કેબનું ભાડું અલગ-અલગ છે. ચાલો જાણીએ શું છે મામલો અને કેમ થઈ રહ્યું છે આવું? બન્ને ફોન દ્વારા બુકિંગ કરતી વખતે ભાડું કેટલું અલગ છે? આ અંગે ઉબેર કંપની દ્વારા પણ જવાબ આપવામાં આવ્યો છે.
Same pickup point, destination & time but 2 different phones get 2 different rates. It happens with me as I always get higher rates on my Uber as compared to my daughter’s phone. So most of the time, I request her to book my Uber. Does this happen with you also? What is the hack? pic.twitter.com/bFqMT0zZpW
— SUDHIR (@seriousfunnyguy) December 23, 2024
એક સમયે એક ડેસ્ટિનેશનનું અલગ-અલગ ભાડું
મીડિયા રિપોર્ટ્સ અનુસાર સુધીર નામના વ્યક્તિએ તેના X હેન્ડલ @seriousfunnyguy પર એક સ્ક્રીનશોટ શેર કર્યો છે. જેમાં આઇફોન દ્વારા કેબ બુકિંગ અને એન્ડ્રોઇડ ફોન દ્વારા કેબ બુકિંગ વચ્ચેના ભાડામાં તફાવત દર્શાવવામાં આવ્યો છે. સુધીરે આઈફોન દ્વારા કેબ બુક કરી ત્યારે તેનું ભાડું 342 રૂપિયા બતાવવામાં આવ્યું હતું. જ્યારે એન્ડ્રોઇડ ફોન દ્વારા કેબ બુક કરાવવાનું ભાડું 290 રૂપિયા છે. સુધીરે કેપ્શનમાં કહ્યું કે, એક મારો ફોન છે અને બીજો તેની દીકરીનો ફોન છે.
સુધીરે લખ્યું કે, ક્યાંક જવા માટે ઉબેર કેબ બુક કરી ત્યારે તેનું ભાડું 290 રૂપિયા હતું, પરંતુ કોઈ કારણસર કેબ બુક થઈ ન હતી, તો તેમણે તે સમયે તેની પુત્રીએ આઈફોન દ્વારા કેબ બુક કરી ત્યારે તેનું ભાડું 342 રૂપિયા બતાવવામાં આવ્યું હતું. આ જોઈને અમે બન્નેની ચોંકી ગયા હતા કે, એક જ સમય પર એક જ કંપનીનું ભાડું અલગ-અલગ કેવી રીતે હોય શકે છે, જ્યારે બન્નેનું ડેસ્ટિનેશન એક જ છે.
આથી બન્ને ફોનનું ભાડું અલગ-અલગ
મીડિયા અહેવાલો અનુસાર વાયરલ સ્ક્રીનશોટના આધારે નિષ્ણાતોએ સૂચવ્યું છે કે, એપ્લિકેશન ઉપકરણ ડેટા, ઉપયોગની ફ્રીક્વેન્સી અને યુઝરની બિહેવિયર પેટર્નના આધારે ડાયનેમિક પ્રાઇસિંગ અલ્ગોરિધમ્સ દ્વારા ભાડામાં ફેરફાર શક્ય છે. એપલ ફોનમાં વધુ ભાડું વસૂલવાના એકમાત્ર હેતુથી પ્રાઇસિંગ અલ્ગોરિધમ પ્રોગ્રામ્સ ઇન્સ્ટોલ કરવામાં આવે છે અને આ ફેરફાર કરવો એ બાળકોની રમત છે. ઘણી કંપનીઓ આવું કરે છે અને તે માત્ર કેબ સર્વિસ માટે જ નહીં પરંતુ અન્ય ઘણી પ્રકારની સેવાઓ માટે પણ કરવામાં આવે છે, જેના વિશે સામાન્ય માણસને પણ જાણ નથી.
