બાળકો માટે તેમનો 'ગલ્લો' (Piggy Bank) માત્ર પૈસા રાખવાની જગ્યા નથી હોતી, પરંતુ તેમની નાની નાની ખુશીઓ અને યાદોનો પિટારો હોય છે. સામાન્ય રીતે બાળકો ગલ્લામાં સિક્કા કે 10-20 રૂપિયાની નોટો નાખતા હોય છે, પરંતુ સોશિયલ મીડિયા પર વાયરલ થઈ રહેલા નિશવ નામના અઢી વર્ષના બાળકે જે કમાલ કરી છે તે જોઈને ભલભલા કમાતા ધમાતા લોકો પણ વિચારમાં પડી ગયા છે. નિશવના પરિવારના કહેવા પર જ્યારે તેનો ગલ્લો તોડવામાં આવ્યો, ત્યારે તેમાંથી નીકળેલી રકમ જોઈને ઇન્ટરનેટની જનતા દંગ રહી ગઈ છે. આ વીડિયો અત્યારે ઈન્સ્ટાગ્રામ પર ધૂમ મચાવી રહ્યો છે.
અઢી વર્ષની મહેનત: ગલ્લામાંથી નીકળી અધધ રકમ
નિશવ ઠાકુર નામના આ બાળકના ઇન્સ્ટાગ્રામ એકાઉન્ટ (@nishav_baby) પરથી એક વીડિયો પોસ્ટ કરવામાં આવ્યો છે. જેમાં નિશવ પોતે મહેનત કરીને ગલ્લો તોડતો જોવા મળે છે. પહેલા પ્રયત્નમાં ગલ્લો ફૂટતો નથી, પણ બીજા પ્રયત્ને જ્યારે ગલ્લો ફૂટે છે ત્યારે જમીન પર નોટોનો ઢગલો થઈ જાય છે. નિશવના માતા-પિતાએ જ્યારે આ પૈસા ગણ્યા ત્યારે જાણવા મળ્યું કે તેમાં કુલ 64,200 રૂપિયા હતા! તેના માતા-પિતાએ કેપ્શનમાં લખ્યું છે કે, '0 થી 2.5 વર્ષ સુધીમાં નિશવે કેટલા પૈસા જોડ્યા છે.'
લોકોએ પાકિસ્તાનની GDP સાથે કરી સરખામણી!
આ વીડિયો વાયરલ થતા જ યુઝર્સ રમુજી કોમેન્ટ્સ કરી રહ્યા છે. કેટલાક લોકોએ તો આ રકમને 'પાકિસ્તાનની જીડીપી' (GDP of Pakistan) ગણાવી દીધી છે. ઇન્ટરનેટ પર લોકો નિશવને અલગ-અલગ સલાહ આપી રહ્યા છે:
એક યુઝરે લખ્યું, "ભાઈ, આટલા પૈસામાં તો પ્લોટની રજિસ્ટ્રી કરાવી લે!"
બીજાએ મજાકમાં કહ્યું, "નિશવ ભાઈ, મને થોડી લોન આપશો?"
ત્રીજા યુઝરે લખ્યું, "આ બાળકે તો મને મારી ઓકાત બતાવી દીધી, મારી પાસે આટલી બચત નથી!"
એક યુઝરે કટાક્ષ કર્યો, "આ તો પાકિસ્તાનની આખી અર્થવ્યવસ્થા કરતા પણ વધારે છે."
બાળક પાસેથી શીખવા જેવો બોધપાઠ
આજના સમયમાં જ્યારે યુવાનો પગાર આવતાની સાથે જ મોજ-મસ્તીમાં પૈસા ઉડાવી દેતા હોય છે, ત્યારે અઢી વર્ષના આ બાળકે બચતનું મહત્વ સમજાવ્યું છે. 50 લાખથી વધુ વ્યુઝ અને 2 લાખથી વધુ લાઈક્સ મેળવનાર આ વીડિયોમાં જ્યારે પિતા નિશવને પૂછે છે કે, 'આ પૈસાથી ગાડી લેવી છે કે ફરી ગલ્લામાં નાખી દઈએ?' ત્યારે નિશવ માસૂમિયતથી ગાડી લેવાનું કહે છે. જોકે, પિતા તેને હજુ વધારે બચત કરીને 5 વર્ષ પૂરા થાય ત્યારે ગલ્લો તોડવા માટે સમજાવે છે.
